Á æskuslóðum

Ekki fer nú hjá því þegar maður hverfur til æskustöðva sinna á miðju sumri ,um hátind golfvertíðar, að maður leiði hugann eins langt aftur og verða má. Amma mín hefði orðið 115 ára í ár og hún er sú kona sem ég hef mest litið upp til um ævina. Systkini pabba eru mér hugleikin líka og þá sérstaklega Hörður. Hann var alla tíð barnlaus en sá ljúfasti maður sem ég hef kynnst og barngóður eftir því. Hann var stöðugt með okkur í bílnum hjá sér en hann var vörubílstjóri og keyrði mikið innan staðarins. Hann tók t.d. Lalla Kaj nánast að sér en hann var sonur Jonnu konu Munda, þriðja bróðursins. Ég var líka í uppáhaldi hjá honum og vorum við alltaf mestu mátar meðan hann lifði. Nú eru þau öll látin en ég við bestu heilsu og vona að þau vaki yfir mér sem og öðrum afkomendum. 

Athugasemdir

[Ágúst Ásgeirsson, 15.8.2009 kl. 05:28]

Sæt mynd af ykkur Lalla!

[Kolbrún Stefánsdóttir, 15.8.2009 kl. 23:28]

 Já ekkert skrýtið að við vorum í uppáhaldi. Lalli var alltaf feimin og ljúfur maður, stilltur og skynsamur. Sorglegt hversu snemma hann fór og hvernig. Ég fann þessa krúttlegu mynd á Raufarhafnarvefnum. kveðja Kolla.

[Ólafur Ragnarsson, 16.8.2009 kl. 16:34]

Sæll Kolla mín. Ég er viss um að þetta fólk gerið það sem þú heldur. Virkilega skemmtileg mynd af þér og frænda ? þínum. Ég tel mig muna svona kápur á litlum telpum. Held að hálfsystir mín hafi átt nákvæmlega svona kápu. Rauða að lit. Eru þetta ekki kallaðar ja "bryddingar" er ekki svo. Og voru þær ekki úr einhverskonar skinni? Og hvenær ætlar svo  þessi síunga dama að heiðra okkur í Eyjum með nærveru sinni.? Sértu ávallt kært kvödd.

[Kolbrún Stefánsdóttir, 16.8.2009 kl. 21:22]

Já sæll félagi. Jú alveg hárrétt hjá þér með kápuna rauð með einhverskonar loðskinni. Lalli þessi var ekki beint frændi minn enda ekki sonur Munda. Hann drukknaði í höfninni á Akranesi þegar gerði aftakaveður ég held um 1990. Það fórust held ég þrír menn þá. Ég er ekki búin að ákveða hvenær ég fer til Eyja en reyni að finna út tíma þegar bæði verður eitthvað um að vera og hægt að spila golf. Bestu kveðjur Kolla.