Landsfundur Frjálslynda flokksins

  

 

Framundan er Landsfundur Frjálslynda flokksins. Ég hlakka mikið til að hitta fólk  úr flokknum og fara í gegnum það sem fyrir liggur á þinginu. Fyrir höndum er mikil málefnavinna og undirbúningur kosningabaráttunnar sem nálgast eins og óð fluga.

Margir góðir kandídatar eru í framboði , þar á meðal ég. Ég vil benda lesendum síðu minnar á að kíkja við á xf.is og sjá hverjir þar eru upptaldir.

Verð þó að geta nýjasta framboðsins sem er Magnús Þór Hafsteinsson sem  bíður sig fram í formannsslaginn. Það eru semsagt þrír í boði til formanns þrír í boði til varaformanns  einn til ritarann og einn til formanns fjármálaráðs.

Þetta er að verða spennandi... sjáumst.

 

 

 

Athugasemdir

[NN (IP-tala skráð) 15.3.2009 kl. 00:44]

ÞANNIG   FÓR   UM  SJÓFERÐ   ÞÁ.  ÁS-GERÐUR ,GERÐI HÚN GRIKK.  ?  Stundum fiskast ,,,stundum ekki.

[Magnús Geir Guðmundsson, 15.3.2009 kl. 01:10]

Nú segi ég við sjálfan mig,

svolitlum með trega.

kjánar ekki kusu þig,

Kolla elskulega!

[Ari (IP-tala skráð) 15.3.2009 kl. 17:59]

Þú átt meiri pólitíska framtíð fyrir en það fólk sem FF býður upp á ,og að vera í slagtogi með Ásgerði Jónu verður þér aldrei til framdráttar. Ég vildi sjá þig á Listanum með Bjarna Harðar og og Þórhalli þá myndi ég kjósa þig en aldrei með Ásgerði Jónu. Þetta á ekki bara við um mig.

[Kolbrún Stefánsdóttir, 15.3.2009 kl. 23:30]

Sælir verið þið dularfullu menn. Já þú ert líka dularfullur Magnús Geir. Takk fyrir að reyna að peppa upp egóið ágætu herramenn en það er nú þannig að þeir fiska sem róa og ég var fljót að lesa þennan hóp sem þarna var mættur og sá strax hvert stefndi. Ég kom ein og var ekki að biðja neinn að kjósa mig eða gera neina dila enda ekki með neinn "hóp" á bak við mig. Kjánalegt að halda að hægt sé að keppa við konu sem hefur unnið hjálparstarf í sjálfboðavinnu í 11 ár. Ég hef alltaf þurft að vinna hörðum höndum og verið hamingjusöm með það. Ég kann alveg að taka ósigri enda ekki óvön því í gegnum lífið. Sumir bikarar eru beiskari en aðrir. Takk fyrir vísuna MG og Ari það er með flokksfélaga eins og ættingja maður velur þá ekki   kveðja Kolla.

[Guðrún María Óskarsdóttir., 16.3.2009 kl. 01:56]

Sæll Ari.

Það væri mjög fróðlegt að fá að vita hvað þú hefur svona mikið á móti Ásgerði Jónu nýkjörnum varaformanni Frjálslynda flokksins ?

Sæl Kolbrún.

Orð þín á minni bloggsíðu eftir tilkynnt framboð okkar Ásgerðar, til forystu í flokknum, sem voru þessi " kjósa konur sem hafa slæmt orð á sér ? " kunna að hafa fallið í grýttan jarðveg.

Ásgerður Jóna fór ein á þetta landsþing það skal ég segja þér, og ekki varstu vör við nærveru mína þar, þú veist kanski af hverju ?

kv.Guðrún María.

[Ágúst Ásgeirsson, 16.3.2009 kl. 08:18]

Er ekki bara að taka ósigrinum eins og hverju öðru hundsbiti? Þetta var ekki stórtap, þú fékkst nú talsverðan slatta af atkvæðum sýndist mér.

Mér líkaði annars ekki ræða formannsins, öllu heldur það sem hann sagði um fjölmiðlana. En hann var náttúrulega að tala í sinn hóp og ég get heldur ekki skammað þig fyrir hann!!!

[Ari (IP-tala skráð) 16.3.2009 kl. 15:20]

Guðrún María mér er nokkuð sama um Ásgerði Jónu sem ég tel mesta tækifærissinna sem hugsast getur og á það ekki bara við um pólitík og er alls ekki að byrja núna. Aftur á móti tel ég að Kolbrún eigi fullt erindi í pólitík og myndi ég gjarnan vilja sjá framgang hennar á því sviði, ég tel líka að það geti ekki verið innan FF með þann varaformann sem er núna.

[Kolbrún Stefánsdóttir, 16.3.2009 kl. 21:15]

Sæl GMaría. Það kann að vera að orð mín sem var beint til sjómanns sem ég hugðist hefja femíníska umræðu við, á þinni bloggsíðu kunna að hafa fallið í grýttan jarðveg. Sjálf hef orðið standandi forviða á að því skuli hafa verið snúið upp á ykkur virðulegar og vandaðar konurnar.  Ásgerður var ekki ein það get ég sagt þér og sannað þó hún hafi kannski "farið ein" þ.e bæði án þín og Eiríks Stefánssonar vinar síns og þíns held ég líka. Ekki veit ég hversvegna þú sast heima en kannski hefurðu það verið eitthvert vinarbragð. Varla verður því klínt á mig eða hvað . kveðja Kolbrún 

[Kolbrún Stefánsdóttir, 16.3.2009 kl. 21:32]

Sæll Ágúst. Þetta er nú tvíbent með hundsbitið. Nýjustu viðbrögð sem ég heyrði um við hundsbiti voru þau að maður sem var bitinn, beit á móti  og skaddaði hundinn í andliti  Jú ég skíttapaði það á bara að segja það eins og það er. Ásgerður er vel að sigrinum komin ekki spurning en það skipti sköpum að Magnús Þór var ekki í framboði. Þetta með fjölmiðlana er auðvitað líka tvíbent. Ég þurfti að rífast við starfsmann á mbl til að fá greinina birta sem var svar við skrifum nöfnu minnar Bergþórsdóttur. FF er aldrei neitt spennandi nema þegar við erum að berjast innbyrðis enda ekki að vinna neina stórsigra þar sem alltaf er við ofurefli að etja í þinginu. Þú verð fjölmiðlamenn en ég bankamenn . Það er eðlilegt þar sem við þekkjum til viðkomandi starfa. Svo má auðvitað segja að FF sé svo smár að fréttir frá okkur verða alltaf færri en af stóru flokkunum. kveðja Kolla.

[Kolbrún Stefánsdóttir, 16.3.2009 kl. 21:37]

Ari. Nú veit ég ekkert hver þú ert en ég þakka þessa tiltrú á mig. Það er kosið í stjórn á tveggja ára fresti þannig að vera kann að ég fái tækifæri þó síðar verði. Ætla nú ekki að fara að vitna í ákveðna konu sem beið í áratug eða svo eftir sínum tíma hahaha. Fyndið. Kveðja Kolla.

[Guðrún María Óskarsdóttir., 17.3.2009 kl. 01:08]

Sæl Kolbrún.

Raunin er sú að réttur hvers flokksmanns í flokki er sá að bjóða sig fram til starfa þar með talið til formanns, það gerði ég en dró framboð mitt til baka, þegar fyrrum samstarfsmenn og félagar sem hentu mér út úr stjórn félagsins ( að virtist vegna míns framboðs) sendu frá sér sérstaka stuðningsyfirlýsingu við sitjandi formann.

Hálfkveðnar vísur um mig og aðra, hvort sem um er að ræða femínisma eða hæðni, ferðast alla jafna í hring þegar upphaflegur tilgangur er illa sýnilegur.

Ég hugðist mæta á fund við uppröðun á lista sem flokksmaður en vissi ekki af fundi fyrr en sama dag, hringdi í nýjan formann sem sagðist afboða fund en fékk síðar að vita að fundur hefði verið haldinn, en ekki fékk ég að vita það, mjög kjánalegt.

Síðar var óskað eftir því við mig að ég tæki sæti á lista á Suðurlandi, og það samþykkt og tilkynnt, en síðar ákveðið að henda mér þaðan út aftur vegna Facebook stuðningssíðu JM, sem ástæðu.

Fann mig ekki til að sitja flokksþingið þessu sinni.

kv.Guðrún María.

[NN (IP-tala skráð) 17.3.2009 kl. 08:56]

Hvað gengur á í þessum friðsemdarflokki,innkast,og útkast á fólki fram og til baka.

[Kolbrún Stefánsdóttir, 17.3.2009 kl. 19:41]

Sæl GMaría. Það er réttur hvers manns að bjóða sig fram og engin raun að því. Það er líka réttur hvers manns að tjá skoðun sína á því  sem framboðið byggir á. Ykkar framboð var til að vekja athygli á að það væru konur í flokknum !!. Mér finnst það asnalegt markmið árið 2009. Það virtist þó virka fyrir Ásgerði og etv hefði það dugað hjá þér líka ef þú hefðir ekki dregið þig til baka.

Varðandi hálfkveðnar vísur er það að segja að það á auðvitað bara að botna þær .

Bara svo ég heinsi mig, þá var yfirlýsing um stuðning við Guðjón í SV ekki borin undir mig. Ég var ekki með neina hallarbyltingu. Ekki hefði ég haft neitt á móti því að hafa þig á listanum hjá okkur án þess að ég hafi nein áhrif á það, hvað þá í öðrum kjördæmum.  En að styðja Jón Magnússon sem var í framboði fyrir Sjálstæðisflokkinn , nýbúinn að svíkja okkur ? Er það ekki svolítið sérstakt. kveðja Kolla

[Kolbrún Stefánsdóttir, 17.3.2009 kl. 21:50]

NN sparaðu saltið  . Það eru alltaf einhver særindi í flokkum sama þó maður vandi sig. Allt er þetta fólk með sínar tilfinningar og skoðanir og stundum upplifir maður hlutina með öðrum hætti en til stóð. Heldurðu kannski að það gangi ekkert á í prófkjörum og formannsslag fjórflokksins núna? Við tölum opinskátt í Frjálslynda flokknum og þar af leiðir að fólki finnst allt vera upp í loft. Ég get sagt þér að á þinginu okkar var Magnús Þór hylltur sem foringi þegar hann kom í pontu eftir talningu og fólk stóð upp úr sætum sínum þó hann hafi boðið sig fram gegn formanninum sem fékk rússneska kosningu. Ég óskaði nýjum varaformanni  og nýrri stjórn strax til hamingju með kjörið og það er alveg særindalaust. Nú er bara að bíta í skjaldarrendur og taka slaginn.  kveðja Kolla.

[NN (IP-tala skráð) 17.3.2009 kl. 22:43]

Ekki var nú ætlun mín að strá salti,og bið ég afsökunar ef hægt er að lesa það úr skrifum mínum.Jú Kolbrún það er svo sannanlega spenna í öllum flokkum,eins og títt má sjá hve fólk hefur verið að skipta um flokka uppá síðkastið.Sá það síðast í dag á síðu Jens Guð,að Eiríkur Stefánsson,sá eini sanni ætli að flytja sig yfir í Samfylkinguna.Kolla gangi þér ætíð sem allrabest.Vorið minnti á tilvonandi komu sína í dag.

[Kolbrún Stefánsdóttir, 17.3.2009 kl. 23:29]

 Þér er að sjálfsögðu fyrirgefið, þekkilegi nafnlausi maður. Meira stríðni og gálgahúmor í mér en að ég sé hvumpin. Ef Jens Guð hefur sagt það getur það varla klikkað. Ég hugsa að ég komist yfir það.  Já vorið er væntanlegt og eins og sagt er þá er það besta við mars að apríl kemur á eftir ..bara tilhlökkun í brjóstinu fyrir sumarkomunni. kveðja Kolla.

[Guðrún María Óskarsdóttir., 18.3.2009 kl. 00:14]

Sæl aftur Kolbrún.

þú segir.

"Ykkar framboð var til að vekja athygli á að það væru konur í flokknum !!. Mér finnst það asnalegt markmið árið 2009. Það virtist þó virka fyrir Ásgerði og etv hefði það dugað hjá þér líka ef þú hefðir ekki dregið þig til baka. "

Bauðst þú ekki fram í varaformanninn ? Átti að henda honum í kvenmannskjaft ?

" Bara svo ég heinsi mig, þá var yfirlýsing um stuðning við Guðjón í SV ekki borin undir mig. Ég var ekki með neina hallarbyltingu. Ekki hefði ég haft neitt á móti því að hafa þig á listanum hjá okkur án þess að ég hafi nein áhrif á það, hvað þá í öðrum kjördæmum. "

Hjá okkur ? Var það sjálfgefið að listinn yrði nær alveg eins og hann var síðast eftir allar þær kröfur um endurnýjun sem orðið hafa til í okkar samfélagi ? Það finnst mér ekki.

" En að styðja Jón Magnússon sem var í framboði fyrir Sjálstæðisflokkinn , nýbúinn að svíkja okkur ? Er það ekki svolítið sérstakt. kveðja Kolla "

Facebook stuðningshópar við eitt eða annað hafa gengið þverpólítískt Kolbrún án þess að einhverjir geri það að umtalsefni enda hvorki formaður eða þingmenn flokksins hvað þá kjördæmaráð Suðurlands þáttakendur í Facebook, ( spurði alla hlutaðeigangi þessa ) aðeins fyrrverandi varaformaður mér best vitanlega og væntanlegir frambjóðendur sem einnig hafa stutt menn þverpólítiskt í prófkjörum án þess að vera í sama flokki og viðkomandi.

Rétt skal vera rétt.

kv.Guðrún María.

[Hanna Birna Jóhannsdóttir, 18.3.2009 kl. 21:38]

Halló -halló og takk fyrir síðast Kolla. Nú er allt að fara á fulla ferð fundir hér og fundir þar.Guðrún það var leitt að sjá þig ekki á Landþinginu. Er það öruggt að  sé farin í Samf. Kv.

[Kolbrún Stefánsdóttir, 18.3.2009 kl. 23:48]

Sæl GMaría. Ég bauð mig fram á eigin forsendum sem manneskju sem sækist eftir að hafa áhrif í flokknum en ekki sem KONU. Ég segi  "hjá okkur" vegna þess að ég er í SV og það er mitt kjördæmi ( og þitt )en engan veginn sjálfgefið að ég leiði í því kjördæmi eða sé yfirleitt á lista þar. Kröfur um endurnýjun hafa gengið eftir hjá okkur í FF þar sem er búið að endurnýja meirihluta í stjórn og miðstjórn. Við sem erum á listanum hér í SV vorum ekki á þingi og því varla eðlilegt að krafa um endurnýjun eigi við okkur. Ef eitthvað skárra er í boði er bara að endurraða á listann. Væntanlegir frambjóðendur hverjir eru það? kveðja Kolla.

[Kolbrún Stefánsdóttir, 18.3.2009 kl. 23:52]

Hanna Birna. Sæl og takk fyrir síðast. Ég var að koma heim af framboðsfundi á Grand Hótel þar sem ég var í panel en Guðjón sat úti í sal eins og óbreyttur áheyrandi Bara gaman og ég þandi mig ofan í ... út af ESB. Ég veit ekki hvort það er satt. Trúi ekki á kraftaverk fyrr en ég upplifi þau.. bestu kveðjur til Eyja og gangi ykkur rosa vel. KOlla.

[Magnús Geir Guðmundsson, 19.3.2009 kl. 19:34]

Dularfullur, ég?

Mætti ég fá meira að heyra?

[Gunnar Skúli Ármannsson, 19.3.2009 kl. 22:33]

Stelpur, Kolla og Guðrún María, notið gemsann til að útkljá ykkar mál. Ekki skemmta skrattanum á bloggsíðum. Nú verður hver maður að gera skyldu sína, það er að duga eða drepast.

[Kolbrún Stefánsdóttir, 19.3.2009 kl. 23:41]

Magnús minn... þetta var nú meira sagt sem grín og til að hafa þig með hinum strákunum... reyndar finnst mér allir karlmenn dularfullir ef út í það er farið .  Þú hefur nú gáfur sem margir væru stoltir af og þá er ég að tala um skáldagáfuna þína.

[Guðrún María Óskarsdóttir., 19.3.2009 kl. 23:58]

Sæll Gunnar Skúli.

Þér er velkomið að hringja í mig ef þú vilt en þakka pent fyrir þín ráð um hvað ég rita hvar og hvenær.

kv.Guðrún María.

[Magnús Geir Guðmundsson, 20.3.2009 kl. 00:26]

og skildi ég líka mega hringja í maríu og mæla falleg orð!?

Mér er nefnilega sagt að hún sé ekki aðeins fögur, heldur jú ansi DULARFULL!

FAllega mælir þú frú K, ef þú heldur svona áfram endar með því að ég býð þér í golfferð til Spánar!(nú eða í dýrðina þarna sem þú fórst í síðast og spilaðir næsta klæðalaus, góðum mönnum og guði til dýrðar!)

[Guðrún María Óskarsdóttir., 20.3.2009 kl. 02:22]

Sæll Magnús Geir.

Já hjartanlega velkomið að hringja í mig, eftir kl.2 á daginn.

góð kveðja. Guðrún María.

[Magnús Geir Guðmundsson, 20.3.2009 kl. 15:04]

Ja svei mér, þú hikar ekki við það María mey,hefur ekkert á móti því að einhver stráksstauli slái á þráðin með óljós erindi, kannski bara "Flagarafagurgala"!? En spurning núna hvort ég fari ekki að safna í mig kjarki og símanúmers leita og muna svo að ekki megi trufla ærin morgunverk er þar að skildi koma!?

[Kolbrún Stefánsdóttir, 20.3.2009 kl. 18:30]

 Magnús þó  ertu þá morgunmaður. A týpa kannski. kveðja Kolla.

[Ágúst Ásgeirsson, 20.3.2009 kl. 19:00]

Jæja, var að lesa greinina sem þú fékkst loks eftir harmkvæli birta í Morgunblaðinu! Svei mér þá ef þú varst ekki bara penari en öll flokkssystkyn þín sem risu upp gegn nöfnu þinni.

Svo segi ég bara: gangi þér vel í kosningabaráttunni. Það er kominn tími til að setja púnktinn fyrir aftan i-ið í innanflokkstogstreitunni, ekki satt?  

[Magnús Geir Guðmundsson, 20.3.2009 kl. 22:13]

Tja, morgunmaður, A? Veit ekki alveg, var bara að sýna meinta tillitssemi og segjast ekki ónáða á öðrum tíma en fraukan nefndi, en ætli ég sé samt ekki meir A en B pólitískt séð!?

[Kolbrún Stefánsdóttir, 20.3.2009 kl. 22:46]

Takk fyrir það Ágúst, þú hefur vit á þessu blaðamaðurinn . Ég var reyndar búin að taka smá af greininni áður en ég sendi hana frá mér. Ég hef fengið meira af góðu kommenti en hinu og þá frekar frá fólki utan flokksins þannig að kannski hefur mínu fólki fundist ég ekki nógu beitt. Jú ég er sammála þér, það er kominn tími á endapunktinn. Held að það sé ágætt að fara að segja amen á eftir efninu.

Auðvitað ertu séntilmaður Magnús ég er bara að stríða þér-vonandi ekki að særa þig neitt. kveðja Kolla.

[Guðrún María Óskarsdóttir., 21.3.2009 kl. 01:16]

Sæll aftur Magnús Geir.

Fyrirgefðu síminn minn er 845-1659, en ég vinn í grunnskóla sem skólaliði til 2 á daginn og erfitt að taka síma þar, síðan vinn ég annað starf þar sem auðveldara er um vik, alla jafna að svara síma.

kveðja.Guðrún María.

[NN (IP-tala skráð) 22.3.2009 kl. 00:10]

Komin hér þessi fína stefnumótasíða ,bara gaman og fallegt.

[Magnús Geir Guðmundsson, 22.3.2009 kl. 02:34]

Ei veit ég um það, en Guðrún María sýnir mér bara mikin heiður, svona djarflega þó kannski!?

[Kolbrún Stefánsdóttir, 22.3.2009 kl. 11:36]

Hi. Já NN nú er bara að fara að koma fram undir nafni og þá er aldrei að vita hvað gerist .

Án gríns þá þekki ég nú GMaríu illa ef þetta er eitthvert tilboð hjá henni eins og þú lætur í veðri vaka. Stundum getur mann langað að heyra í fólki án þess að það sé meira á bak við það. 

Annars ætla ég ekki að fullyrða neitt en veit bara að umræddur Magnús er þvílíkur kvennaljómi
.

kveðja Kolla. 

[NN (IP-tala skráð) 22.3.2009 kl. 12:27]

Tilboð,?Það er ég ekki að segja,þarna er bara um vinsemd og manngæsku á ferðinni,og er það gott.NN er bara abbó.

[Kolbrún Stefánsdóttir, 22.3.2009 kl. 12:47]

 ææ vill enginn tala við þig í vinsemd af manngæsku sinni. Ég er einkar meðvirk manneskja, síminn hjá mér er ... ææ  þetta minni manns   verð að benda á 1717 í bili. Kveðja Kolla.  

[Magnús Geir Guðmundsson, 22.3.2009 kl. 14:30]

Endurtekið skjall í minn garð frá þér frú K., vinna á mér líkt og dropin holar steinin, endar með að ég verð "Þinn að eilífu" haha!

En í fullri alvöru áttu skilið fallega kveðju fyrir.

Orðin hjartkær hljóma,

hýrna allur ég.

Kallar mig KVENNALJÓMA,

Kolla yndisleg!

En svo kemur það bara í ljós með meyna Maríu hina dulu, hvort hún meinar eða vill eitthvað!?

[NN (IP-tala skráð) 22.3.2009 kl. 14:44]

Kolbrún þú jafnar þig, er það ekki.?

[Kolbrún Stefánsdóttir, 22.3.2009 kl. 21:33]

Magnús minn takk fyrir þessa fallegu vísu.

Sæll NN. Eitthvað verður mér til huggunar, ég treysti á það.

kveðjur Kolla.