Brúðkaupið

Ég er nú stödd í Stockholm á árlegum stjórnarfundi NHF -Nordiska Handikappförbundet- Bandalagi fatlaðra á Norðurlöndum. Það er bæði erfitt og skemmtilegt en þó fyrst of fremst fróðlegt.

Við vorum að skipuleggja ráðstefnu sem á að halda í september heima á Íslandi og ég var búin að óska eftir þátttöku Árna Páls Árnasonar félagsmálaráðherra og fleiri fyrirlesara áður en ég fór að heiman. Þá var ráðherrann í útlöndum og ekki hægt að fá svar hjá honum.

 Ég hringdi í ráðuneytið í lok fundar, þegar verið var að ákveða tíma, spurði um þátttökuna og gaf bara smá umhugsunarfrest því ráðherra var í símanum. Síðan hringdi ritarinn með "já" nokkrum mínútum seinna. Þeir ætluðu ekki að trúa mér fundarmenn en ég var afar ánægð með ráðherrann sem ætlar að splæsa laugardagstíma á okkur.

Annars er frábært að vera hér í minni uppáhaldsborg, nema umferðin. Fólk þyrpist til borgarinnar til að vera við brúðkaup Viktoríu prinsessu og einkaþjálfarans á morgun. Ég er að hugsa um að bregða mér hér fyrir hornið á  Nordic Sea hótelinu og reyna að grípa brúðarvöndinn en það er talið áhrifaríkt. 

Athugasemdir

[Brimrún (IP-tala skráð) 18.6.2010 kl. 21:47]

Líst mér vel á þig mamma að gerast boðflenna í brúðkaupi til að grípa vöndinn.. :)

[Atli (IP-tala skráð) 18.6.2010 kl. 22:03]

Sammála Brimrúnu

[Kolbrún Stefánsdóttir, 19.6.2010 kl. 07:51]

Já Brimrún, hún leynir á sér kerlingin hahaha. Skrýtið hvað þið Atli eruð alltaf sammála. Er þetta nokkuð samráð. Það getur verið ólöglegt. Knús mamma. 

[Atli (IP-tala skráð) 19.6.2010 kl. 09:56]

Varla er samráðið ólöglegt ef það er til hagsbóta og farsælda fyrir alla aðila Kolbrún.:) Náðir þú vendinum? Bíðum spennt eftir fréttum hér í samráðinu !

Bestu kveðjur og góða heimferð á morgun!

[Kolbrún Stefánsdóttir, 19.6.2010 kl. 19:58]

Hvenær eru hlutirnir til hagsbóta fyrir alla. Samráð ýmiskonar hafa átt sér stað til að bæta hagsmuni þeirra sem eiga samráðið en yfirleitt á kostnað annarra. Ég er búin að góna á þetta blessaða brúðkaup í allan dag og er enn að því eins og flestir hér í Svíþjóð. Ég gæti trúaða að blóði í mér sé farið að blána en blessaður vöndurinn sést hvergi  kveðja til ykkar beggja Kolla

[Magnús Geir Guðmundsson, 20.6.2010 kl. 22:09]

Þótt eflaust sé byrjað að blána,

blóðið í almúgakvenndi.

Hennar fer hárið að grána,

af helvítis bið eftir vendi?!

[Magnús Geir Guðmundsson, 20.6.2010 kl. 22:15]

Erðetta ekki bara SAMSÆRI dóttlu þinnar og Mr. AÁ?

En jújú, samráð getur víst líka verið löglegt og þá er útkoman...hjónaband?!

[Kolbrún Stefánsdóttir, 21.6.2010 kl. 20:34]

Hæ Magnús. Jú kannski er þetta samsæri þeirra á milli veit ekkert um það en skrambi er vísan skemmtileg. Ég var nú kannski að horfa á þetta út frá viðskiptafaktornum en þar er samráð ólöglegt.

Ég er nú ekki að sjá að þetta endi í hjónabandi enda náði ég ekki vendinum  en að grípa hann þýðir víst að sú sem grípur hann giftist næst. Kveðja Kolla.