Rosalegt

Alveg var magnað að fylgjast með strákunum okkar í dag. Nú var Ólafur í stuði og þeir allir. Þeir virtust ákveðnir í að komast áfram og var full mikið kapp í þeim á stundum. Ólafur á það til að vera með glannalegar sendingar þegar leikgleðin er að ná yfirhöndinni hjá honum. Það finnst mér skemmtilegast. Það er ólýsanlegt hvað það hefur góð áhrif á mann þegar þeim gengur svona vel. Nú er framundan lokahnykkurinn sem ræður því hvort þeir koma með málm heim úr þessari ferð. Sama hvernig það fer allt saman þá er ég þakklát fyrir þessa tilfinningaveislu sem ég hef fengið nú á miðjum þorra. Stolt og gleði voru tilfinningarnar í dag. Ekki sá ég betur en þjálfarinn væri einnig bugaður af tilfinningum þegar hann tileinkaði sigurinn einhverjum manni sem líklega tilheyrir liðinu á einhvern hátt. Hann hefur vissulega hjartað á réttum stað hann Guðmundur og er mikill eldhugi. Móðurtilfinningin var alveg að kæfa mig þegar ég sá hvað hann er mikið krútt. Til hamingju Ísland og til hamingju strákar. 

Athugasemdir

[Atli Ágústsson (IP-tala skráð) 28.1.2010 kl. 23:15]

Já,Kolla, þetta var frábært hjá strákunum okkar. Svo er prúðmennskan til fyrirmyndar hjá þeim og leikgleðin skín úr augum þeirra. Varla er hægt að fá betri landkynningu. Svo eru undanúrslitin og útslitin framundan og mikil spenna um helgina . Áfram stákar, áfram Ísland

[Kolbrún Stefánsdóttir, 29.1.2010 kl. 21:39]

Sæll já það er óhætt að segja að þetta er alger veisla. Mér finnst líka frábært að ungu strákarnir hafa fengið að spreyta sig aðeins en Guðmundur sparar Loga Geirs sem líklega er að jafna sig á meiðslum og á að taka til kostanna í úrslitunum. Verst var að fá Frakkana á móti sér á morgun en ég er nú alltaf hrifin af þeim.  Já þetta eru geðprýðismenn greinilega. Mér fannst nú Guðmundur eins og stökkmús á hliðarlínunni í leikjunum. hahah en hann var að sleppa sér í fyrstu leikjunum og maður gat ekki annað en hlegið. Vona að íslenska þjóðin njóti þess í miðri krísunni að horfa á strákana. Kveðja Kolla.

[Magnús Geir Guðmundsson, 31.1.2010 kl. 00:20]

Jamm, verst að fá Frakkana, þar fórstu aldeilis rétt með frú K. og rúmlega það!

Ekki nema von að Guðmundur minni á "mús" þegar flestir á vellinum eru 1.90+ hann samt ekkert sérstaklega lágvaxin. Þetta já annars búið að vera fín framistaða, en því miður fóru nú bæði leikmenn og þjóðin uppfyrir bjartsýnismörkin. En hver veit nema málmurinn brons verði samt hengdur um háls strákanna á morgun?!

Næsta víst er annars að þú sjálf sért með eitthvert skartið nú þegar um fagran hálsinn.

[Kolbrún Stefánsdóttir, 31.1.2010 kl. 12:25]

Sæll Magnús. Ég er á því að þeir hafi bara staðið sig þokkalega gegn Frökkunum. Þeir eru ekki mennskir þessir frönsku . Ótrúlegir og bara of góðir fyrir minn smekk , þó ég sé pínu frönsk. Okkar strákar eru búnir að skipa sér á bekk með bestu liðum heims og hvað viljum við meira. Ég vona innilega að þeir fái medalíu, þeirra vegna, en hvort sem það gerist eða ekki er ég afar stolt af þessu liði og elska hvern mann og vildi helst knúsa þá alla.

Já skart um minn háls, það minnir mig á að þú varst ekkert búinn að bregðast við áskorun um að finna persónulegt markmið handa mér í golfinu

Vona að þú sért hress og hafir það sem allra best kveðja Kolla.

[Magnús Geir Guðmundsson, 2.2.2010 kl. 00:14]

Hm, var ég búin að lofa því? Jæja, hlýt að hafa sagt eitthvað digurbarkin.

1. VErja klúbbstitilinn að sjálfsögðu í flokki heldri og kannski eitthvað eldri meyja!

2. ná forgjöfinni niður um 0,5 til 1.0 (veit, þetta er erfið krafa)

3. ná tveimur hringjum að minnsta kosti undir 180 eða þremur kringum 150 samtals! (kannski frekja að fara fram á þetta?!)

4. Bölva aldrei né berja mótherja þó allt fari í steik!

5. topp 10 á Íslandsmóti sömu heldri meyja!

Þetta er svona sæmilegt er það ekki?

[Magnús Geir Guðmundsson, 2.2.2010 kl. 00:17]

hehe þrjá hringi á kringum 250 átti það nú að vera eða 260.

[Kolbrún Stefánsdóttir, 2.2.2010 kl. 15:07]

 geturðu ekki breytt aðeins númer 4. líka  

líst að öðru leyti bara vel á þessi markmið og tek þau upp hér með. knús á þig karlinn  Kolla.

[Magnús Geir Guðmundsson, 2.2.2010 kl. 18:01]

hahaha, OK, mátt bölva endrum og sinnum, en þá bara mér sérstaklega fyrir að banna þér að bölva! Helst ekki berja neinn þó, en mátt grýta kylfunni í pokann!

[Kolbrún Stefánsdóttir, 2.2.2010 kl. 19:53]

 þetta er allt miklu viðráðanlegra, þó ég hafi reyndar sett mér það markmið að hætta að skamma sjálfa mig svona mikið þó ég geri mistök. Aldrei myndi ég grýta kylfinni eitt né neitt og ekki bölva þér það er alveg víst. En ég er stundum tvinnandi smá tíma eftir misttök og hugsa of mikið um þau það er málið kveðja Kolla.

[Magnús Geir Guðmundsson, 4.2.2010 kl. 23:12]

Já Kolla, veit að ein helsta glíman í golfinu er við mann sjálfan og þar skiptir ekki hvað minnstu máli að ná einmitt að lágmarka vonbrigðin á milli hola, eða ná að gleyma mistökum, ýta þeim frá og gíra sig upp í næstu holu sem algjörlega nýja og einangraða áskorun!Því betur sem það tekst, þeim mun betur gengur að leiðrétta mistökin og læra af þeim.Þetta eitt af svo mörgu fleir sem gerir golfið svo aðlaðandi, sálfræðin gríðarlega stór þáttur.

[Kolbrún Stefánsdóttir, 5.2.2010 kl. 14:39]

Já nákvæmlega. Þetta er bara spurning um hausinn á manni. Ég á það til að hugsa of mikið um hvað gerðist og gleymi þá jafnvel að telja "mistökin" þ,e þegar högg klikkar. Það er bara tekið sem sér verkefni, hahah ferlega neyðarlegt stundum. Ég segi alltaf að í golfi noti menn sjálfstjórnina en í hestunum þá æfi menn samskiptin . Bestu kveðjur til þín Kolla.