Komið og dansið

Síðustu helgi eyddi ég á Örkinni í Hveragerði. Þar voru mættir 120 einstaklingar í þeim tilgangi að dansa og læra nýja dansa. Mæting var á föstudagskvöldið og hófst dans um kl 18 og var dansað í tvo tíma. Þá var kvöldverður og síðan dansað í nokkra tíma eftir það. Um kl 10 á laugardag var byrjað aftur og dansað í tvö tíma. Eftir hádegismat var farið í göngutúr um nágrennið og svo beint í heita pottinn. Aftur var farið að dansa kl 16.30 í tvo tíma og lærðir nýir norskir snúningar. Um kvöldið var síðan kvöldvaka sem samanstóð af kvöldverði og skemmtidagskrá. Að henni lokinni hófst dans að nýju og var það aðallega swing og línudans en einnig rólegri lög inn á milli eins og gengur. Dansað var af krafti til kl 2 um nóttina. Þá fóru flestir að halla sér en sumir voru komnir í partýstuð og ég meira að segja greip í gítar og gömlu dramasöngvana frá því í gamla daga. Mikið stuð og stemming. Á sunnudagsmorgun var fólk í rólegri kantinum en þó farið í sund og gufu áður en komið var að kveðjudansi milli kl.11-12. Þá var þetta búið nema fyrir þá sem voru á byrjendanámskeiðinu.  Þetta var frábært námskeið og er dans tvímælalaust skemmtilegasta líkamsrækt sem  hægt er að stunda auk þess gott og græðandi fyrir sálina.

Mæli hiklaust með Komið og dansið.

Athugasemdir

[Erla Magna Alexandersdóttir, 2.11.2009 kl. 22:34]

Sæl Kolbrún.

Gaman að heyra að þú varst á Örkinni að dansa og í þessum hóp

með sænsku- eða norsku sveifluna.

 Eg var þar í nokkur ár og þetta var mikið puð- en gaman.

Svo með örkina- hún stendur alltaf fyrir sínu - eg var þar lika um tíma.

Skemtu þer vel og njóttu lífsins.

  það er erfitt að vera í golfi núna- dansaðu þá bara á meðan !

Kveðja.

Erla

[Erla Magna Alexandersdóttir, 2.11.2009 kl. 22:35]

Hvað er Scotinn annars að gera þarna ????

[Kolbrún Stefánsdóttir, 3.11.2009 kl. 08:22]

 Sæl Erla og takk fyrir kommentið. Örkin var fín og eins og þú segir puð og gaman að dansa. Jú ég er  búin að leggja kylfunum nema bara til að fara í Bása að slá af og til eða Hraunkot í Hafnarfirðinum. Skotinn já það var skemmtileg uppákoma þegar ég var að byrja í þessum félagskap og þessi alíslenski maður var að stríða mér með að mæta í þessum skrúða í dansinn. Það er semsagt frjáls klæðnaður á fimmtudagsböllunum.   kveðja Kolla.

[Magnús Geir Guðmundsson, 13.11.2009 kl. 22:13]

Og áttu skotapilsi, sem auðvitað er harðbannað að klæðast öðru undir?!

[Kolbrún Stefánsdóttir, 15.11.2009 kl. 17:57]

Sæll Magnús. ÉG á ekki skotapils nei nei guð hjálpi þér. Er það ekki bara fyrir karlmenn. Ég mætti heilum hópi af mönnum í skotapilsum fyrir ca hálfum mánuði í bænum. Þori nú ekki að fullyrða hvort þeir voru "skoskir í gegn" eða klæddir samkvæmt hefðinni undir en mikið djö.. er flott að sjá karlmenn í þessum búningi. Kveðja Kolla..