Vísuskot

Um daginn, í góða veðrinu, var ég að spóka mig í kjól og hælaskóm. Ég hitti af tilviljun fyrrum sambýlismann sem góndi svoleiðis á kálfana á mér að ég fór öll hjá mér. Þeir eru með sverasta móti núna og ég ekki ánægð með það. Ég er búin að þvælast á fjöll, arka um golfvelli, hamast í ræktinni og þetta hefur orðið til þess að kálfavöðvarnir eru alveg hroðalega stórir. Nema hvað að hann starir þar til ég segi höstug " Djö..ertu að glápa maður, það er ekki eins og þú þekkir ekki á mér bífurnar" og strunsa framhjá og inn í golfskála. Þegar ég kom til baka stóð hann glottandi á sama stað og sagði " mér datt bara í hug vísa" nú? já svona: 

Augun hvarfla upp að hné

hærra er ei hægt að vona

en hvernig ætli kýrin sé

fyrst kálfarnir eru svona.

Já sumir eru bara skemmtilegri en aðrir .

Athugasemdir

[Ómar Bjarki Smárason, 6.8.2009 kl. 23:38]

Ekki skrýtið að Frjálslyndir skuli ekki eiga hausa á þingi úr því að hugurinn er allur neðan mittis.....!!!

En vísan er fjandi góð og það er ekkert athugavert við stælta kálfa, ef kýrin er skýr....

[Kolbrún Stefánsdóttir, 7.8.2009 kl. 09:46]

Sæll Ómar.Það þarf nú að standa traustum fótum ef menn ætla á þing ekki satt. Þetta er gömul vísa en tilefnið var skemmtilegt og alltaf stutt í galsann hjá mér. Finnst þér menn kýrskýrir á þingi ? kveðja Kolla.

[Ómar Bjarki Smárason, 7.8.2009 kl. 16:31]

Nei - þingmenn eru almennt óttalegir kálfar....

[NN (IP-tala skráð) 7.8.2009 kl. 18:02]

Heil og sæl,Kolbrún.Meinfyndið er þetta vísukorn en ekki finnst mér það passa við þína kálfa,og svo er frúin í stuttu pilsi,og fyrst er minnst á stutt pils að þá man ég eftir einni vísu eftir Káin.En svona er hún.

Kæru löndur! Hvað veit ég,

karl, um pilsin yðar

en mér finnst lengdin mátuleg

milli hnés og kviðar.              Kveðja úr Mývatnssveit í fínu veðri..NN.

[Ólafur Ragnarsson, 8.8.2009 kl. 00:06]

Sæl Kolla. Já vísan er góð og kálfarnir líka. Og nú bíð ég bara eftir áliti "Meistarans" sem þú snuðaðir um viðkomu hjá í reynd. Sért þú og "kálfarnir" ævinlega kært kvödd. PS er myndin af þínum ??

[Ólafur Ragnarsson, 8.8.2009 kl. 00:15]

PS 2 Ég gleymi alltaf þessum     Dreyfist eftir efnum og ástæðum. Sömu kveðjur

[Ólafur Ragnarsson, 8.8.2009 kl. 00:16]

Þarna átti að standa:"efni og ástæðum"

[Kolbrún Stefánsdóttir, 11.8.2009 kl. 22:51]

Sælir. Ólafur minn nei þetta eru nú ekki mínir leggir enda fantaflottir þessir. Fann þá á netinu en sú hefur verið í svörtum kjól og pilsi eins og ég.

Ef svo væri þyrfti ei þá

þeim yfir að kvarta

Hiklaust myndi hækka smá

hæla og faldinn svarta.

Var að koma úr ferðalagi norður, ekki þó úr Mývatnssveitinni. Ég er nú að verða eins og NN ferðalangurinn  Takk fyrir vísuna NN. kveðja Kolla. 

[Magnús Geir Guðmundsson, 14.8.2009 kl. 20:22]

SEint koma sumir, en koma þó!

Þótt kannski ekki "Kúna" hafi séð,

kunnáttuna reyna má og þjálfa.

Hún ýturvaxin er já í og með,

afar þekkt er fyrir sína "Kálfa"!

[Kolbrún Stefánsdóttir, 14.8.2009 kl. 22:31]

hahaha þú getur nú drepið mann. Mikið ertu nú skemmtilegur Magnús og hagmæltur. Ég hef nú ekki svarvísu á takteini við þessu enda eins og margar vísur þínar "alveg á grensunni" kveðja Kolla.

[Ólafur Ragnarsson, 16.8.2009 kl. 16:38]

Ég segi nú bara líka ha ha Magnús alltaf góður  Kært kvödd