Þorláksmessa

Nú er þetta allt að smella hjá mér fyrir þessi blessuðu jól. Búin að kaupa flestar jólagjafirnar og byrjuð að þrífa. Mér finnst nú hálf gremjulegt að geta ekki klárað neitt verk og það er eins og allt sé einhvernvegin "næstum því". Verst er þó þegar jólatréð er ekki eins og maður vill hafa það. En gangi ykkur vel með ykkar skreytingar, kæru bloggvinir, og ekki gefast upp þó ýmislegt hendi á stundum. Jólakveðja til ykkar allra.

Athugasemdir

[Ólöf de Bont, 23.12.2008 kl. 21:50]

Gleðileg jól Kolbrún mín og þakka þér fyrir ánægjulega samveru á árinu sem er að líða.  Megi næsta ár verða þér og fjölskyldu þinni farsælt.

[Kolbrún Stefánsdóttir, 23.12.2008 kl. 23:38]

Takk sömuleiðis bæði tvö. Ég er þakka fyrir tilboðið Hippó , með þína spúsu. Ég efast ekki um að hún sé frábær. Ég varð að nota þessa mynd hún er svo skemmtileg. Reyndar er ég nokkuð ánægð með tréð núna og það stendur alveg í "lappirnar".   Ég er búin að hafa það hlutverk síðan ég var 12 ára að bera ábyrgð á jólatrésskreytingunni og ég man hvað maður var oft hrikalega stressaður yfir því. Ánægjan var öll mín með samskiptin og ég óska ykkur , Ólöf og Hippó, báðum kærleiksríkra jóla.

[kop, 24.12.2008 kl. 11:15]

"Næstum því" er oft spurning um hugarfar, það sem einum finnst ekki alveg nógu gott, finnst öðrum kannski alveg frábært.

Að gefast upp, er ekki til umræðu.

Óska þér og þínum, gleðilegra jóla.

[Kolbrún Stefánsdóttir, 24.12.2008 kl. 16:39]

Takk fyrir innlitið strákar. Vörður ég gefst aldrei upp það er nú minn Akkilesarhæll   Þakka ykkur ánægjuleg samskipti og vona að við skiptumst á skoðunum á nýju ári. jólakveðja til ykkar Kolla.