GKG

Í gær, sunnudag, fór ég og spilaði golf á golfvelli Kópavogs og Garðabæjar. Fór í fyrsta skipti þennan völl eftir að honum var breytt og farið að spila Leirdalinn alveg upp í Salahverfi. Það hefur einhvernvegin verið þannig að þessi völlur hefur verið mér svo fjarlægur og ekki hafa verið mörg mót þar sem hafa heillað mig til þátttöku. Hann hefur líka, satt best að segja, haft frekar neikvætt orð á sér, sagður erfiður og leiðinlegur. Þetta finnst mér alger misskilningur og tel hann bæði skemmtilegan og fjölbreyttan. Mikill hæðarmunur er í honum og flatirnar krefjandi. Ég náði ekki nema 28 punktum á 92 höggum en meðspilarinn var með tvo fugla. Hann vann mig með einu höggi. Sem betur fer ekkert veðmál í gangi og engin minnkun af því að tapa fyrir góðum golfara. Minni völlurinn, Mýrin, er líka góður og ekki síst þeim sem eru að taka sín fyrstu skref í þessari frábæru íþrótt. Ég mun spila þarna aftur fljótlega og er alvarlega að spá í að ganga í þennan klúbb.  

Athugasemdir

[Guðrún Þóra Hjaltadóttir, 22.7.2008 kl. 18:30]

Ég þori ekki að prufa golf, því ég er svo hrædd um að það fangi hug minn og ég hætti að gera nokkuð annað.

[Magnús Geir Guðmundsson, 22.7.2008 kl. 21:18]

Merkilegt, Guðrún Þóra önnur stalla þín á stuttum tíma sem segir hið sama um golfið, hin er Vestfjarðavalkyrjan Cesil. Þær hræddar um að verða gagnteknar!

En á þá að segja sig úr Gr?

En á þessum velli var nú minnir mig Íslandsmótið fyrir tveimur árum, hann því væntanlega ekki of leiðinlegur fyrir það!?

[Kolbrún Stefánsdóttir, 22.7.2008 kl. 23:40]

Guðrún mín. Þú verður örugglega gagntekin af þessari frábæru íþrótt. Hún dekkar allar aðrar íþróttir finnst mér. Ja kannski ekki handboltann en maður endist ekki í honum eins og golfinu. Bara að  byrja. Vestfjarðarvalkyrjan á auðvitað að byrja strax með þennan frábæra völl í túnfætinum. Ég reyni að draga hana með mér þegar ég fer vestur í sumar. MGM: Hann getur nú verið leiðinlegur þó þar hafi verið haldið Íslandsmót. Það er bara spurning með peninga og samninga GSI. Mér finnst t.d. Leiran alveg ferlega leiðinleg en öðrum finnst hún frábær. Varðandi klúbba þá hef ég ekki ákveðið mig ennþá en myndi þá hætta í GR. Korpan og Grafarholtið eru alveg frábærir vellir en lítinn félagskap sæki ég þangað samt sem áður.  Kveðja til ykkar Kolla 

[Guðrún María Óskarsdóttir., 22.7.2008 kl. 23:57]

Sæl Kolla.

Þetta er ábyggilega gaman og gott, þ.e. golfið.

kv.gmaria.

ps. kíktu á bloggið hjá mér um skipulagsmálin í Kópavogi he he.

[Kolbrún Stefánsdóttir, 23.7.2008 kl. 22:24]

Sæl GMaría hvenær ætlar þú að  byrja? Fann ekkert um skipulagsmál hjá þér er það gamalt? kveðja Kolla.