Verksvit

Ég tel að konur hafi ótrúlega gott verksvit. Hér er ein gömul saga um eina slíka:

Gömul kínversk kona átti tvo leirpotta sem hún hengdi á sitthvorn endann á langri stöng sem hún bar á öxlum sínum. Á hverjum degi sótti hún vatn langa leið í uppsprettu fjarri heimilinu.

Annar potturinn var sprunginn eftir endilöngu og var því aðeins hálffullur þegar heim kom. Hinn potturinn var fullkominn og skilaði sér alltaf fullur af vatni eftir þessa löngu leið heim að húsinu. Svona gekk þetta í tvo ár, daglega gekk gamla konan með pottana að uppsprettunni og daglega kom hún heim með aðeins einn og hálfan pott af vatni.

Auðvitað var fullkomni potturinn ánægður með sína frammistöðu en sprungni potturinn skammaðist sín og leið mjög illa þar sem frammistaða hans var aðeins til hálfs við það sem hann var skapaður til að gera.

Eftir tveggja ára vinnu talaði hann til konunnar við uppsprettuna. "Ég skammast mín fyrir frammistöðu mína, vegna sprungunnar á hlið minni lekur helmingurinn af vatninu burt á leiðinni heim. Þú ættir að henda mér og fá þér nýjan pott.,,

Gamla konan brosti, "Hefur þú tekið eftir að þín hlið við götuna er blómum skreytt á meðan engin blóm vaxa hinum megin götunnar? Það er vegna þess að ég hef alltaf vitað af þessum galla þínum og þess vegna sáði ég fræjum á þinni hlið götunnar og á hverjum degi þegar við göngum heim
vökvar þú blómin mín. Ég hef um árabil getað týnt þessi fallegu blóm og skreytt heimili mitt með þeim. Af því að þú ert eins og þú ert þá hef ég fengið að njóta fegurðar blómanna.

******** end of story*********

Sama má segja um okkur manneskjurnar, enginn er gallalaus. En það eru gallarnir og sprungurnar sem gera okkur hvert og eitt sérstök. Þess vegna er svo spennandi að kynnast og eyða ævinni saman. Við þurfum bara að læra að taka hverri manneskju eins og hún er og sjá jákvæðu hliðarnar hvert á öðru.

Athugasemdir

[Helga Kristjánsdóttir, 27.2.2011 kl. 12:08]

 Kolbrún hjartnæm dæmisaga.(-:

[Eyjólfur G Svavarsson, 27.2.2011 kl. 14:28]

Kolbrún" mikið vildi ég að þetta væri svona í reynd!. KV. Bláskjár.

[Ágúst Ásgeirsson, 27.2.2011 kl. 20:18]

Að mínu viti er þetta er allt satt og rétt.

[Kolbrún Stefánsdóttir, 27.2.2011 kl. 21:10]

Hæ Gústi og sæl þið öll. Takk fyrir innlitið. Auðvitað er þetta rétt Bláskjár. Það er nú fyrir eitthvað sem menn vilja ekki hleypa konum að stýrinu því þá eiga þeir ekki möguleika eftir það  svo hafa þær meira viðskiptavit. Get komið með sögu um það ef þú vilt síðar kveðja Kolla

[Atli (IP-tala skráð) 28.2.2011 kl. 14:29]

Innilega sammála Kolla mín. Bæði sögunni góðu og eftirmálann þinn

[Úrsúla Jünemann, 28.2.2011 kl. 17:48]

Takk fyrir þessa fallega dæmisögu.

[Erla Magna Alexandersdóttir, 6.3.2011 kl. 19:12]

Kolla- það er svo gott að heyra eitthvað annað en  VANDRÆÐI

[Kolbrún Stefánsdóttir, 6.3.2011 kl. 20:55]

Takk fyrir það Erla. Já það er nóg af vandræðafréttunum þó maður bloggi ekki um vandræði endalaust.

Annars var ég að ergja mig á því að sjónvarpsrásirnar sýna endalaust frá ferð nokkurra íslenskra mótorhjólamanna til Noregs. Hverjum er ekki sama hvernig Norðmenn fara með sína gesti  Mér finnst þetta í besta falli "ekki frétt ". Bestu kveðjur til þín

[Ingvar Guðmundsson (IP-tala skráð) 7.3.2011 kl. 15:02]

Þetta er nú bara ein fallegasta dæmisaga sem ég hef heyrt á lífsleiðinni. :)

[Kolbrún Stefánsdóttir, 11.3.2011 kl. 16:01]

Já Ingvar það er rétt hjá þér hún er falleg og sýnir mikla visku þessarar gömlu konu... kveðja og takk fyrir kommentið.