Hringnum lokað

Þá geta aðdáendur Tigersins farið að taka gleði sína á ný. Pilturinn lýsti því yfir að hann væri að fara að keppa í golfi á nýjan leik. Það má því segja að hringnum sé lokað og það sem máli skiptir fyrir heimsbyggðina, og alla eðlilega golfáhugamenn, sé komi ð í réttan farveg. Mér kom ekki á óvart að í fréttinni tyggja fréttamenn upp allt fárið frá a til ö, upp á dag, til að nýta nú allt sem hægt er á sinn smekkvísa hátt eða hitt þó heldur.

Meira hvað Kaninn er þröngsýnn og sjálfhverfur í dómum sínum.

Vona bara að Tigerinn rústi þessari keppni og blómstri sem aldrei fyrr. Enginn hefur gert eins mikið fyrir þessa íþrótt og hann. Þó hann sé ekki minn uppáhaldsgolfari þá er ég mikill aðdáandi hans og óska honum alls hins besta.

Athugasemdir

[Jón Steinar Ragnarsson, 16.3.2010 kl. 18:44]

Hann mun sanna sig, svo lengi sem hann sleppir 19. holunni.  Hún kemur íþróttinni hvort sem er ekkert við, þótt menn reikni á hana refsistig.

[Kolbrún Stefánsdóttir, 16.3.2010 kl. 20:20]

Já  rétt. Ekki væri ég sátt við að fá víti á nítjándu. Hringurinn lokast á 18du og ekki orð um það meira .... kveðja Kolla.

[Pétur Guðmundsson (IP-tala skráð) 17.3.2010 kl. 10:34]

Ég hef aldei heyrt  að konur lentu í þeirri nítjándu!!!!!!!!!!

[Kolbrún Stefánsdóttir, 17.3.2010 kl. 14:19]

Pétur. Hvað ert þú eiginlega gamall? Einu sinni var talað um barinn sem nítjándu því sjússarnir í wisky flösku eru víst 18 og þegar þeir voru búnir var hringurinn búinn og farið á barinn. Síðan hefur þetta þróast í "konuna eða kynlíf". Ég er svo jafnréttissinnuð að ég geri ekki mun á því hvort kynið er :) kveðja Kolla.

[Magnús Geir Guðmundsson, 22.3.2010 kl. 23:08]

Misrétti ei megum þola,

þó margur karlin vilji stynja.

Nítjánda er núna hola,

nokkurn vegin tví- já kynja?!

En Kolla, held nú að hann Tiger rústi nú ekki Masters, sérstaklega vegna þess að nú er vinur minn Els komin í gang aftur!

[Kolbrún Stefánsdóttir, 23.3.2010 kl. 20:40]

Hi jæja heldurðu það . Els er bara í sínum venjulega rólega dauðyflisgír og vann eitt mót á hvað mörgum árum ? Meira að segja Jim Furyk farinn að vinna mót.  Jú Tigerinn skilur þá alla eftir eða nær sér ekki frá lákúrunni sem hann er  búinn að vera að þvælast í undanfarið. Það yrði skandall. Er það ekki magnað að loksins þegar kemur fram maður með yfirburði á öllum sviðum þá er hann settur í meðferð hahaha kræst hvað þetta er bilað.

Nú þegar nálgast vorið

er nítjánda vonandi brautin

sem bætir upp blessað skorið

svo burt hverfur forgjafarþrautin

Phil Mickelson er minn maður, tekur sénsa hægri vinstri í golf og spilar á pinnann. Love it. kveðja Kolla.