Góð staða

Það er óhætt að segja að það er breytt staða hjá okkur Frjálslyndum í dag. Þar er ég að skírskota til þeirrar ákvörðunar Reykjavíkurborgar, sem sagt var frá í fréttum, að taka mark á ályktun ráðherra sveitarstjórnarmála og hans ráðuneytis, um rétt Frjálslynda flokksins á því fé sem borgin greiðir til þeirra framboða sem koma manni inn í borgarstjórn.

Mér finnst með ólíkindum hvernig borgarstjórn gat velkst með þessa ákvörðun í marga mánuði og jafnvel ár.

Ekki vafðist það fyrir Alþingi að greiða styrkinn til Borgarahreyfingarinnar þó þingmenn hefðu allir hlaupið frá borði. Auðvitað er það eðli laga að þau má túlka á ýmsan hátt en í þessum lögum segir að þeir sem bjóða fram listann eigi að fá framlagið.

Það kom fram í svari Borgarinnar, við athugasemdum stjórnar flokksins,  að Frjálslyndi flokkurinn hafði boðið fram F-listann, lista frjálslyndra og óháðra, á því lék ekki vafi. Þetta er búið að vera mikið átakamál og mikil orka farið í það að berja það í gegn og halda lánadrottnum góðum.

Ekki lá málið lengi í ráðuneyti Möllersins og vil ég hér með lýsa þakklæti mínu fyrir það.

En nú er kátt í höllinni og við sem höfum verið í framkvæmdastjórn getum gengið keik frá borði án þess að hafa skuldaklafa á bakinu og gert upp við þá sem treystu okkur í viðskiptum fyrir síðustu kosningar.

Athugasemdir

[NN (IP-tala skráð) 13.2.2010 kl. 23:18]

Og hvað ætliði að gera við aurinn frá skattborgurunum?

[Kolbrún Stefánsdóttir, 14.2.2010 kl. 08:57]

Sæll NN. Væntanlega mun hann fara að mestu í að greiða þær skuldir sem eru útistandandi. Mér finnst mest um vert að enginn tapi á viðskiptunum við okkur. Ef flokkurinn ætlar að starfa áfram verður hann að hafa tiltrú almennings og það gera menn ekki með því að svíkja skuldbindingar sínar. Auðvitað vonar maður að eitthvað standi eftir til að byggja nýja baráttu á. Annars ákveð ég það ekki heldur framkvæmdastjórn og fjármálaráð. Þetta er bara mín persónulega skoðun. Kveðja Kolla.

[Sigurgeir Jónsson, 14.2.2010 kl. 16:17]

Undirrstaða að áframhaldandi tilveru Frjálslyndaflokksins hlýtur að vera sú að fjármálaafglapar ráði ekki stefnu flokksins, og þá ekki síst í sjávarútvegsmálum.Með traustri stefnu í atvinnumálum og stefnu sem byggir ekki á því að rústa sjávarútveginum, stefnu sem byggir ekki á því að fjölga ríkisstarfsmönnum, eru ágætar líkur á því að hægt að Frjálslyndi Þjóðarflokkurinn myndi ná eyrum og augum kjósenda.En til þess að það gangi upp þarf að henda þeim út sem voru í framboði fyrir flokkinn,í efstu sætum síðast.Ég trúi því að þú sjáir möguleikana Kolbrún og gangir í verkin.

[Sigurgeir Jónsson, 14.2.2010 kl. 16:29]

Ég átti að sjálfsögðu ekki við að þér yrði hent út Kolbrún.Þú ert undantekningin sem sannar regluna.Kv.

[Kolbrún Stefánsdóttir, 14.2.2010 kl. 19:57]

Takka þér fyrir þessi innlegg Sigurgeir . Eins og þú kannski veist er ég hlynnt einkaframtaki og blönduðu hagkerfi og hef engan áhuga á að fjölga ríkisstarfsmönnum. Ekki er ég heldur hrifin af fjármálaafglöpum þó ég skilji ekki meininguna hjá þér í sambandi við okkur. Ég óttast að þessi ríkisstjórn verði búin að dobbla kreppuna áður en til þess kemur að hægt verði að skipta um stjórn. Ef eitthvert vit er í þjóðinni þá ætti Frjálslyndi flokkurinn að eiga greiða leið að stjórn en auðvitað þarf að fá fólk sem menn treysta alla leið. Kveðja Kolla

[Kolbrún Stefánsdóttir, 15.2.2010 kl. 20:58]

Þakka átti þetta nú að vera . Vona að þú hafir skilið það Sigurgeir. Sænskan farin að trufla mig aðeins . Kveðja Kolla.

[NN (IP-tala skráð) 15.2.2010 kl. 23:26]

Snygg tryckfel.