Gerræðislegur gjörningur.

Það eru margir sorglegir atburðum að gerast á Íslandi um þessar mundir. Eitt mest áberandi dæmið er þegar skuldari reif hús, sem hann tapaði, til grunna og gróf bílinn frekar en að létta á skuldaklafa sínum. Hann margfaldaði tjón sitt og lagði framtíðina endanlega í rúst vegna tilfinningasemi og reiði. Ekki óskiljanlegt að maðurinn væri sorgmæddur og svekktur en ekki bætir svona framkoma neitt hvorki fyrir honum né þjóðinni. Sama atferli virðist í gangi hjá ríkisstjórninni. Stjórnin og reyndar þjóðin öll virðist vera duglaus og sinnulaus eins og þunglyndissjúklingur. Í kjölfarið fylgja oft rangar ákvarðanir sem grafa viðkomandi aðila enn lengra ofan í holuna. Landsstjórnin virðist staðráðin í að gera sitt til að við, þjóðin, verðum í skuldafangelsi um ókomin ár vegna tilfinningasemi og heimskulegra ranghugmynda. Það sannast á Steingrími fjármálaráðherra máltækið að "auðveldara sé um að tala en í að komast". Hann étur nú ofan í sig stóru bitana sem hann hreytti í Geir Haarde og fyrrverandi stjórnarliða. Ef það á að vera afsökun fyrir næstu kosningar að það hafi verið samningar á bak við þessa gjörninga eins og t.d. að við þyrftum ekki að borga þetta, heldur væri það hluti af inngöngusamningi sem EB myndi yfirtaka, þá er sú afsökun ekki að virka fyrir mig. Þetta eru ekki skuldir ríkisins meðan ekki hefur verið dæmt í málinu fyrir dómstólum. Þjóðin seldi bankana og þetta er þeirra mál. Ég tel að verið sé að fórna íslenskum hagsmunum fyrir evrópska samfélagið því löggjöf EB, sem nær líka yfir EES, var ekki gerð með tilliti til þess að hrun gæti átt sé stað. Íslendingar yrðu síðan notaðir sem pressa á Norðmenn að ganga inn líka, þar sem EES væri þá líklega búið að vera eftir inngöngu okkar í Evrópusambandið. Snúum okkur nú að innlendum verkefnum en förum okkur hægt í þessu baktjaldamakki út af Ice-save reikningnum. Látum Bretana sýna sitt rétta andlit.

Athugasemdir

[Helga Þórðardóttir, 20.6.2009 kl. 20:31]

Góð færsla hjá þér. Ég er líka nokkuð viss um að Icesave skuldin verði notuð sem aðgöngumiði inn í ESB. Það er svo óljóst hvort við getum nokkurn tímann borgað lánið. Þeir ætla kannski að nota skuldina sem skiptimynt fyrir aðgang að auðlindum okkar.

[Kolbrún Stefánsdóttir, 20.6.2009 kl. 21:00]

Sæl Helga takk fyrir kommentið. Það er ljóst að við getum aldrei borgað þessa skuld og eigum ekkert að gera það. Þetta er blekkingarleikur og til þess gert að þegar EB " taka yfir " skuldbindinguna þá verður það til að þakka niður í þeim sem vilja halda í sjálfstæði Íslands. Ég held að samningurinn snúist um það að bjarga lagavillu EB og í leiðinni að blekkja almenning á Íslandi til að halda að þeir séu að bjarga okkur með skuldauppgjöf. Allt blekking og bull. Þetta opnar aðgang þeirra að okkar auðlindum ekki spurning. Bestu kveðjur til þín og þinna.

[Magnús Geir Guðmundsson, 21.6.2009 kl. 01:39]

Elsku Kolla mín!

Ég er ekki trúaður á samsæriskenningar og mér finnst ærið langsótt með þetta samkomulag (sem vel að merkja er ekki orðin bindandi samningur, telst enn bara yfirlýsing þeirra sem að málinu koma) sem einvhern aðgöngumiða í ESB. Alveg eins og með samkomulagið, þá ræður engin ein ríkisstjórn ferðinni með ESB aðild, þjóðin sjálf mun með einum eða öðrum hætti eiga lokaorðið um hvort ganga eigi þar inn. Ég hef enga trú á að þetta Icesavemál muni skipta þar nokkru einasta máli til eða frá.

Varðandi þennan mann þarna og þennan dæmalausa gjörning hans með húsið, þá virðist nú ýmislegt komið í ljós er bendir til sviðssetningar. Hann virðist af eftirgrenslan hafa lifað rúmlega hátt og í raun grætt peninga um hríð, en jafnframt ekki kunnað sér hóf í því og jafnvel svikið annað fólk. Þá virðast fjölskylduaðstæður hans ekki vera verri en svo, að konan og börnin eru flutt úr landi og vinna fyrir sér annars staðar og þú getur rétt ímyndað þér hvort þessi maður verði ekki farin líka fyrr en varir! Svo skilst mér á þeim er vandlega horfðu, að bíllinn sem jarðaður var í garðinum hafði enga númeraplötu! Afskráður eða hvað?

Ekki virðist því allt sem sýnist og til að bæta gráu ofan á svart, ætlaði þingmaður O, Saari, að gera sér heldur betur mat úr þessu, en fer líklega ekki vel út úr slíkri sýndarmennsku!?

Eins og þú sérð á þessu röfli mínu, er ég í stuði og væri alveg til í að bjóða þér upp ef þú he´ldir þig ekki bara alltaf svona langt í burtu!

[Magnús Geir Guðmundsson, 21.6.2009 kl. 01:54]

Og líkt og þjóðin sem slík skuldar ekki alla milljarðana varðandi Icesave (og mun að öllum líkindum aldrei borga neitt varðandi þá) þá seldi hún ekki bankana Kolla, það var ákveðin hópur ráðamanna sem ákvað samkvæmt pólitískri stefnu, að selja þá, nú eða afhenda"gefa/selja vægu verði til útvalina, eins og margur hefur nú haldið fram!

[Kolbrún Stefánsdóttir, 21.6.2009 kl. 18:15]

Sæll minn kæri málhagi maður, bæði í bundnu og óbundnu. Ef þetta er ekki aðgerð til að flýta afgreiðslu á umsókn inn í ESB, hvern andskotann (f. orðbr.) eru þau þá að pæla í þessu, á þessum nótum. Er það af illmennsku eða eru þau viti firrt?  Því fyrrnefnda á ég erfitt með að trúa á Jóhönnu og hún er örugglega að hverfa úr pólitík og þarf ekki að skruma fyrir lýðnum. Annað er með Steingrím sem ég skil ekki rassgat í lengur. Fyrir kosningar var ég farin að tala um að loksins væri eitthvert vit að færast í málflutning VG. Hvernig er hljóðið í þeim í dag. Ljúfan hún Guðfríður er sú eina sem heldur haus.

Þetta er því ekki samsæriskenning heldur reyni ég að lesa í það sem fram hefur komið í fjölmiðlum og manna á milli og þetta er eina vitræna skýringin. Af hverju ættum við annars að borga þennan Icesave-reikning upp á 700 milljarða +vexti sem eru afar háir að mínu mati miðað við tilurð máls.

Þessi Saari ( eða hvað hann nú heitir ) hefur eflaust eins og margir fyllst samúð með ótrúlegri reiði mannsins en eins og hann hefur komið fram í fréttum þá er eins og þetta sé ekki reiði heldur hefndarhugur og etv athyglissýki í bland.

Sumir þykjast hafnir yfir lög og rétt og ég er nú ekki að sjá að hann fari úr landi enda virðist hann sáttur við að fara í lúxustukthús sem við bjóðum upp á á Íslandi. Hitt er rétt hjá honum að það er ekki mikið lagt í aðgerðir fyrir fjölskyldurnar í landinu og bankarnir enn að herða innheimtuaðgerðir sínar. Jú jú við seldum bankana og allir voru sáttir og kusu Sjálfstæðisflokkinn og Framsókn aftur og aftur og aftur . kveðja, úr fjarlægð, hahahaha Kolla. 

[Helgi Helgason (IP-tala skráð) 21.6.2009 kl. 19:35]

Sæl Kolla. Ég var að lesa icesave samninginn og er bara harðari í afstöðunni gegn honum. Hér eru nokkrir punktar úr honum sem ég hjó eftir.

1. Vextir safnast upp í 7 ár og bætast svo við höfuðstólinn. Svo borgum við afborgun með vöxtum af hinum uppsafnaða höfuðstól.

2. Ef við förum í vanskil þá greiðum við vexti af afborgunni og vöxtunum + 0.3 refsivexti

3. Samningurinn verður ekki ógildur þótt: hann sé ólöglegur(!), yfirvöldin sem samþykktu hann séu vanhæf osfr. (grein 6.5.4 og sérstaklega grein 14.1: ...becomes illegal, invalid, not binding...osfr). Samningurinn er sem sé alltaf löglegur þótt hann sé ólöglegur af einhverjum ástæðum!!!!

4. Ef við tökum lán hjá öðrum t.d. landi, stofnun eða einkafyrirtæki á hærri vöxtum en eru á samningunum þá eru icesave samningarnir ekki lengur á 5.55% vöxtum heldur á sömu vöxtum og það lán (grein 7.1).

5. Í grein 14.2 segir að Hollendingar megi fara með þennan samning eins og þeim sýnist og þurfi ekki að útskýra eitt né neitt í því sambandi sé Ísland eitthvað ósátt við það.(hvað sem það nú þýðir?)

6. Ef við borgum ekki aðrar skuldir, sem koma icesave ekkert við gjaldfellur icesave skuldin

7. Það má bara endurskoða samninginn ef IMF glæpónarnir samþykkja það (grein15.1.1)

8. Það má taka eignir Íslands eignarnámi hvað nöfnum sem þær nefnast (grein 16.3.)hvar í heiminum sem þær finnast. "..regardless of its or their use or intended use...)

Hvað eru menn eiginlega að hugsa? Ég kalla þetta föðurlandssvik. Fyrir hrun vöruðu erlendir aðilar okkur við því að kerfið væri að hrynja. Þá hlustuðu yfirvöld ekki. Eftir hrun komu erlendir menn til landsins m.a. sem hafði unnið sem efnahagsböðull og þeir vöruðu okkur við því að við sætum undir árás, efnahagslegir árás. Og enn hlusta yfirvöld ekki. Ég er sammála þér með það að yfirstéttinn á Íslandi er að semja um þetta svo þeir geti haldið haus þegar hún kemur skríðandi til ESB. En getið þið ímyndað ykkur hvað þjóðir Evrópu hljóta að líta niður á okkur ef við samþykkjum þessa samninga.

[Kolbrún Stefánsdóttir, 21.6.2009 kl. 23:04]

Sæll Helgi. Gott hjá þér að leggjast í þessa vinnu að lesa þetta yfir. Þetta eru undarlegar aðfarir hjá stjórnvöldum, svo undarlegar að maður heldur að það hljóti að vera einhver gulrót einhverstaðar en það virðist ekki vera. Við eigum að gangast við ábyrgð sem er ekki okkar né á okkar færi að greiða svo allt bankakerfið í ESB sé ekki í uppnámi og þá hljótum við að krefjast þess að það sé annar samningur á móti sem segir að við þurfum ekki að greiða þetta. Að ganga að þessum gapastokki fyrir inngöngu í ESB er auðvitað algert brjálæði. kveðja Kolla.

[Ágúst Ásgeirsson, 22.6.2009 kl. 18:08]

Ég spái því að þetta mál nái ekki gegnum þingið. Nú eru að koma fram upplýsingar um verðmæti eigna Landsbankans. Í dag benda þær til þess að ekki fáist nema um 50% upp í Icesave-samninginn, ekki allt að 95% eins og Steingrímur og Jóhanna hafa haldið fram. Við þessar upplýsingar vex andstaðan eflaust meir hjá VG. Því verður stjórnin sennilega fallin áður en frumvarp hennar um að hefja viðræður um aðild að ESB verður tekið fyrir í þinginu!

[Sigurveig Ingim. (IP-tala skráð) 22.6.2009 kl. 21:55]

Sæl mín kæra.Mér finnst nú nokkuð skondið að þú skulir setja samasem merki við mig og kynlífsfræðinginn,hahahahaha.Ég googlaði bara grasekkja og þá kom hún upp.Það er eflaust hægt að fá betri skýringu.Ég er svo forvitin,hver er NN? Jæja ljúfan kveð að sinni og hafðu það sem allra best.P.s takk fyrir sætutitilinn.

[Kolbrún Stefánsdóttir, 22.6.2009 kl. 23:12]

Sæll Gústi. Já það var á þeim að skilja í upphafi að "eignir" Landsbankans gengu upp í þessar skuldir og þá var eins og þessi reikningur hefði þar forgang. Sigurjón Grái sagði að eignirnar færu langt með að dekka þessa skuld og kannski rúmlega. Nú er ljóst að við fáum kannski einn þriðja af eignunum en aðrir kröfuhafar og svo Hollendingar sem greiddu "in full" sínu fólki fá tvo þriðju. Svo tala menn um sanngjarna vexti. Hvenær hafa 30 % dráttarvextir þótt sanngjarnir vextir. Ég óttast að stjórnin sé undir of miklu álagi og sjái ekki heildarmyndina. Það getur því vel verið að hún gefist upp í næstu viku eins og þú spáir. kveðja Kolla.

[Kolbrún Stefánsdóttir, 22.6.2009 kl. 23:24]

Hi Sigurveig. Ég vona að ég sé ekki að draga dyggðir þínar í nokkurn efa en þú hefur bara alltaf verið svo sexy og talað um kynlíf tæpitungulaust eins og  Jóna Ingibjörg og Ingibjörg Bjarnadóttir hjúkrunarfræðingur. Já ég held að það hljóti að vera til betri skýring en "kona sem hefur verið yfirgefin eftir kynmök í heyi"  Þessi NN sem ég veit ekkert um held ég að sé að norðan og veit að hann notar skó nr 44.  Ekki kannski sú stærð sem maður spáir mest í  Þú ert vel að sætutitlinum komin bæði fyrr og nú. Þyrftum við ekki að fara að hittast í kaffi. Hvernig ertu að vinna á daginn ? Ég er alltaf á leið á Selfoss og það mun vera kaffihús þar sem við gætum hittst. Bestu kveðjur til þín og þinna Kolla. 

[Sigurveig Ingim. (IP-tala skráð) 24.6.2009 kl. 21:29]

Sæl mín kæra.Ég læt nú dyggðir mínar sexýheitin og sætleikann liggja á milli hluta en það á vera jafn auðvelt að tala um kynlíf eins og að smyrja kæfu ofan á brauð......Ég verð að leiðrétta pínu,ég er fædd á Kópaskeri og var um 4ra ára  þegar gamla settið flutti til Raufarhafnar.Hittingur er tilvalinn hér á Selfossi,frábær golfvöllur,fínn veitingarskáli og útsýnið fallegt.(Það er gott að búa á Selfossi, ekki hægt að segja um Kópavog lengur)Ég helli líka upp á mjööööög gott kaffi og á alltaf nýbakað.Ef NN er að norðan og notar skó nr 44 hlítur hann að vera fjallmyndarlegur...taktu eftir ég sagði að norðan,erum við ekki að norðan.Bestu kveðjur til þín.

[Magnús Geir Guðmundsson, 27.6.2009 kl. 21:27]

Seint koma sumir en koma þó, meira að segja ég!

Og AÐ NORÐAN er ég og er þar enn og... NOTA SKÓ NR. 44 hahaha!

En ég er ekki NN!

Samt er ég vissulega fjallmyndarlegur og bersögull víst sem einhverjir vita.

En hjúkrunarfræðingurinn sem þú nefnir Kolla og fræg varð meðan hún einmitt bjó hér nyrðra fyrir kynlífsumfjöllun, heitir ekki Ingibjörg líkt og hún Jóna að millinafni, heldur Halldóra og er já vissulega Bjarnadóttir!

Þriðja konan sem svo líka varð þekkt fyrir kynlífsumfjöllun, er svo líka hjúkrunarfræðingur og heitir Ragnheiður Eiríksdóttir.

Ætla annars mín elskulega ekki að þrefa meir um alvarleika Icesave, en bæði þú og ÁÁ farið ansi geyst í þetta finnst mér m.a. og auk fleiri he´rna gleymið því að við erum að mestu að tala um hugsanlega og ef þarf að greiða, ekki að þetta sé orðin staðreynd.

Svo er alveg óþarfi fyrir fallega og gáfaða konu eins og þig að grípa til grófyrða, en þau væru sannarlega réttlætanleg ef einhver "Sjarmörinn" hefði náð að lokka þig inn í hlö'ðu og þar fengið "Sitt", en skilið þig eftir lítt eða ekki fullnægða!

[Kolbrún Stefánsdóttir, 27.6.2009 kl. 23:44]

Sæl Sigurveig. Jú auðvitað erum við að norðan. Allt gott sem þaðan kemur held ég að NN hafi sagt einhvertíma í bloggi hjá mér og ég tek undir það. Hvort skóstærð segir eitthvað um myndarlegheit veit ég ekki en held að þú sért að vísa í gamlar staðhæfingar   Jæja ertu enn svona myndarleg húsmóðir að baka og allt það. Ég hefði bara mjög gaman að því að kíkja á ykkur og taka hring á vellinum sem ég hef reyndar oft spilað. Ég er búin að spila í dag Grafarholtið 18 holur og svo fór ég í Jónsmessumót í Kópavoginum sem var bara 9 holur og endaði með grilli og flottheitum. Ég ætti að setja mig í samband við þig þegar ég fer í fríið. kv. Kolla.

[Kolbrún Stefánsdóttir, 27.6.2009 kl. 23:58]

Svo er alveg óþarfi fyrir fallega og gáfaða konu eins og þig að grípa til grófyrða, en þau væru sannarlega réttlætanleg ef einhver "Sjarmörinn" hefði náð að lokka þig inn í hlö'ðu og þar fengið "Sitt", en skilið þig eftir lítt eða ekki fullnægða!

Ég er nú ekki alveg að  ná upp í hvar ég er með grófyrði, en það má ekki nota íslensku á gjörðir ríkisstjórnarinnar þá verð ég víst að una þessum dómi þínum. Það lokkar mig enginn eitt né neitt og hefur aldrei gert. Í færslunni "Gullkistan" var verið að grúska í íslenskuna og við að skemmta okkur yfir skýringum Jónu Ingibjargar. Takk fyrir leiðréttinguna á þessum sómakonum. Ég var búin að átta mig á þessu en mundi ekki nafnið en það er semsagt Halldóra. Icesave reikningurinn er ekkert í athugun hjá ríkisstjórninni hann verður tekinn til afgreiðslu fljótlega góði minn og þá kemur í ljós hverjir eru menn og hverjir mýs. Kveðja norður Kolla.  

[Magnús Geir Guðmundsson, 28.6.2009 kl. 14:17]

Jújú mín kæra, auðvitað máttu nota kjarnyrta íslensku og vel að merkja, þá ertu nú seltuhertsíldarstúlka frá fornu fari og kallar auðvitað ekki allt ömmu þína!

Og auðvitað hefur engin karleymingin teymt þig eitt eða neitt, í hlöðu eða annað, þú eflaust sjálf ráðið þínum "ferðum" í þessu sem öðru í hvðívetna!?

Annars er hér svo bara "játning", um leið og ég tek sannarlega undir með þér hvað hana Guðfríði Lilju varðar, þ.e. að hún sé ljúf og yndisleg!(tók fyrst eftir henni á yngri árum gegnum skákáhuga og yðkun, varð þá auðvitað skotin í enni eins og langflestir aðrir!)

Læt hér flakka löngun þá,

í léttri sumarstöku,

Kollu vildi kúra hjá

og "kitla undir höku"!

[Magnús Geir Guðmundsson, 28.6.2009 kl. 14:33]

Helst til mörg "auðvitað" þarna! En þetta "kúr" þarna gæti annars verið hvar sem er, gleymdi að nefna það, kannski í hlöðu með heyi!?

[Kolbrún Stefánsdóttir, 28.6.2009 kl. 22:41]

 Ágætis varnagli í þessu hjá þér Meir. Hlaða með heyi er ekki á hverju strái og reyndar hef ég aldrei komið í heyhlöðu komið. Já ég hitti Guðfríði Lilju áður en við byrjuðum í pólitíkinni og hún heillaði mig alveg. Hún er yndæl ung kona og ég vona að hún standi í lappirnar í Icesave málinu. Ljóða á þig síðar. kveðja Kolla. 

[Magnús Geir Guðmundsson, 1.7.2009 kl. 23:37]

Bróðir hennar yngri, skákmaðurinn snjalli og fv. ungingalandsliðsmarkvörðurinn í fótbolta, er allavega áberandi núna og gegn samningnum, hvað sem stóra systir gerir svo!?

En smá skammarstrik frá stráknum, sumarið líka í blóma og þá gerist margt og leyfist!

Nú segi ég við sjálfan mig,

svei mér læt já vaða.

Í hlöðu vildi hitta þig,

hýra já og...vinnandi!?

[Magnús Geir Guðmundsson, 1.7.2009 kl. 23:39]

Helgi Áss, svo heitir pilturinn, gleymdi að skrifa það!

"hýra mjög.." væri svo betra, óþarfi að hafa þarna tvö já.

[Kolbrún Stefánsdóttir, 2.7.2009 kl. 10:01]

Sæll skáldið. Ekki vissi ég að þau væru systkin Helgi og Guðfríður. Já hann er ferlega sterkur í málefninu um Icesavesamninginn.

Ef ég væri ung og ör

ekki myndi hika lengi

Það yrði sjálfsagt feikna fjör

að finna þig, á slegnu engi.

[Magnús Geir Guðmundsson, 3.7.2009 kl. 23:32]

hahaha Kolla, alveg afbragð, mjög ánægður, en sem fyrri daginn, tek ég auðvitað ekkert mark á hjali um aldur og svona "ef ég væri ung eða yngri.." bara fyrirsláttur og sannarlega ertu ekki neitt gömul!En þetta hefur nú piltungurinn ég reyndar verið að jagast í þér fyrr með, átt bara að taka mark á því haha!

Já, þau Liljan og Helgi Áss eru systkin og eiga svo allavega einn annan bróður sem getið hefur sér gott orð í ksákinni líka og svei mér ef ekki lögfræði, Andra Áss.