Klukkið

 

 

Jæja þá er komið að því að svara þessu klukki sem bæði Georg og Magnús Geir hafa sent á mig.

Ég kann þetta nú ekki almennilega en ætla að reyna.

Störf:Útibússtjóri og bankaritari hjá Landsbanka Íslands , framkvæmdastjóri hjá Starfsafli, fræðslusjóði fyrir ófaglært verkafólk, gjaldkeri hjá Jökli útgerðarfélagi, fiskverkakona, rekstur félagsheimilis, læknaritari, barnaskólakennari, leikskólastarfsmaður, afgreiðslustúlka í búðum og afgreiðslumaður hjá Flugfélagi Íslands. Síldarstúlka og beitningamaður. Núna er ég framkvæmdastjóri hjá Sjálfsbjörg lsf.

Búseta: Raufarhöfn, Hellissandur, Ólafsvík, Reykjavík, Kópavogur.

Bækur: Arabíukonur, Arabíudætur, Flugdrekahlauparinn, 1000 bjartar sólir. Dætur hafsins ( Súsanna Svavars)

Kvikmyndir: Pretty Woman, Mama Mía. Sveitabrúðkaup  og allar með Harrison Ford

Sjónvarpsþættir: Næturvaktin, 24 ,Prison Break, Stelpurnar.

Matur: Lambakjöt, kjúklingur, þoskur, SS pylsur.

Dvalarstaðir í fríum: Svíþjóð, Spánn, Portugal, Túnis, Canary, Flórida, Ítalía Danmörk stefni á Tyrkland í oktober.

Bloggsíður:   Allir bloggvinir en Ólafur Ragnars og Gunnar Rögnvalds uppáhalds.

Elskhugar: hmmmmmmm þetta minni manns ...:)

 

 

Athugasemdir

[NN (IP-tala skráð) 13.9.2008 kl. 21:57]

Klukk,? Hver er þarna Harry Ford.?

[Kolbrún Stefánsdóttir, 13.9.2008 kl. 22:12]

hahaha góður. Klukk er einhver samkvæmisleikur sem er svona annarrar gráðu yfirheyrsla og ég skil svosem ekkert í . HarryHann heitir reyndar Harrison Ford... bara stytting hjá mér. Best að leiðrétta það í færslunni og hafa hana rétta.... Takk fyrir þetta. Kolla.

[Magnús Geir Guðmundsson, 14.9.2008 kl. 01:52]

Ææ, ég hef nú bara gert þér grikk með þessu elskan, áttir nú ekki að koma með allan bókaskápin, ferðaferilin, hvað þá starfsferilin í frumeindum hvað þá karlmenn sem þú hefur séð án klæða haha!

Fernt af öllu átti að duga, en þetta er nú samt allt í lagi.

[Kolbrún Stefánsdóttir, 14.9.2008 kl. 21:25]

Hahaha bara að grínast eins og venjulega....hélt að fjórir væru lágmark. hahaha...kveðja Kolla. 

[Guðrún Jóna Gunnarsdóttir, 14.9.2008 kl. 22:43]

Góð..........

[Kolbrún Stefánsdóttir, 18.9.2008 kl. 20:35]

Góði Hippó láttu ekki eins og þú fattir ekki að " lágmarkið var fjórir" og mynnið farið að gefa sig  þetta er auðvitað auglýsing um að konan gengur laus og man ekki svona langt aftur í tímann.

Já Arabíudætur ætti að vera skyldulesning.. sú bók hafði varanleg áhrif á mig....1000 bjartar líka ... takk fyrir innlitið en það tókst ekki að stríða mér neitt með þessu síðasta það er svo "út úr kú"  kveðja Kolla  

[Ágúst Ásgeirsson, 19.9.2008 kl. 16:02]

Leitt að þú skyldir ekki geta talið þingmennsku til starfa þinna. Kosninganóttin var spennandi hér í Frans, fylgdist með þér úti og inni til skiptis. Velti því fyrir mér um þessar mundir hvort það hefði ekki verið betra fyrir flokkinn hefðir þú náð kjöri. Ætli þau hjaðningavíg sem nú eiga sér stað innanflokks væru ekki annað hvort minni eða ekki til, ef þú hefðir náð inn?

[Kolbrún Stefánsdóttir, 22.9.2008 kl. 23:07]

Sæll Gústi. Það er nú ekki sérstakt metnaðarmál að bæta þingmennsku inn á ferilskrána og ég tíunda hana hér mest til að stríða þessum nafnlausu aulum sem snéru út úr orðum mínum og voru brjálaðir þegar ég talaði um sjómenn á dögunum. Þeir héldu greinilega að ég hefði aldrei dýft hendi í kalt vatn eða unnið með höndunum eins og sagt er. Hvað hjarðvígin varðar held ég að ég hafi ekki þá staðfestu sem KHG hefur sýnt eða jafnaðargeð GAK í samskiptum við þá hjörð sem nú fer yfir sviðið svo jörðin rýkur. Kveðja til þín í Frans Kolla.

[Ólafur Ragnarsson, 24.9.2008 kl. 23:35]

Kolla mín!þetta er sennilega 10unda skiftið er ég"kíki"hingað,en aldrei geta komið orðum að því hve það yljar gömlu sjóarahjarta að vera kallaður uppáhalds eitthvað.Í þetta skifti að vera annar uppáhaldsbloggari þinn og ég þakka fyrir það.Maður veit þá að einhver hefur ánægju af því sem maður af litlu viti reynir að nurla saman í þetta svokallaða blog(ég er aldrei viss um hvort það á að skrifast með 1 eða 2 g-um)Ég kveð þig kært sem ávallt og þakka fyrir mig 

[Kolbrún Stefánsdóttir, 25.9.2008 kl. 18:08]

ahahah uppáhalds eitthvað. Þú ert minn uppáhaldsbloggari því ég hef mest samskipti við þig og svo Gústa sem er gamall kunningi frá Raufarhöfn. Aðrir eru frekar yfirborðskenndir og Gunnar þessi sem deilir "uppáhalds" með þér er hafsjór af fróðleik eins og þú en um önnur málefni þ,e, ESB. Ég h ef aldrei hitt hann. Ég hef mikinn áhuga á bæði sjávarútvegsmálum og ESB umræðunni. Það segir mér ákveðið ef það er þér til ánægju að vera uppáhaldseitthvað hjá mér. kveðja til þín Kolla.