Þórunn komin á þing

Okkar kona á Alþingi.

Þórunn Kolbeins Matthíasdóttir, tók nýverið sæti sem varaþingmaður Frjálslynda flokksins í Norðvesturkjördæmi. Þórunn skipaði 3. sæti á lista Frjálslynda flokksins í kjördæminu við Alþingiskosningar s.l.vor. Hún tekur nú sæti fyrir Guðjón Arnar Kristjánsson formann Frjálslynda flokksins sem er í leyfi í tvær vikur. Þórunn Kolbeins er menntunarfræðingur og ráðgjafi. Hún hefur starfað sem sjúkraliði, við skrifstofustörf og kennslu, og lokið háskólanámi í menntunarfræðum. Þórunn hefur starfað sem ráðgjafi Vinnumálastofnunar á Vesturlandi á Akranesi, frá vorinu 2000.

 

Ég er afar stolt af því að okkar flokkur sem hefur haft orð á sér fyrir að vera “karlaflokkur” eigi nú glæsilega konu í sínu þingmannaliði. Ég óska Þórunni góðs gengis og vona að henni líði sem allra best í þingsölum. Mér er sagt, eftir ábendingu, að hún sé ekki fyrsta heldur þriðja konan sem situr fyrir flokkinn á þingi en áður hafa setið þar Steinunn Kristín Pétursdóttir og Sigurlín Margrét Sigurðardóttir sem var varamaður Gunnars Örlygssonar. Hún sat einnig sem varamaður hans eftir að hann gekk til liðs við Sjálfstæðisflokkinn. Ég man vel eftir því. En áfram Þórunn....

Athugasemdir

[Gísli Baldvinsson (IP-tala skráð) 8.12.2007 kl. 20:44]

Tek undir árnaðaróskir til Þórunnar. Nýtur virðingar meðal skólafólks.

[Guðmundur Sigurðsson (IP-tala skráð) 8.12.2007 kl. 21:02]

Er þessi kona fyrst til að setjast á þing fyrir Frjálslynda?
Annað hvort er minni mitt úti í móum eða þetta alrangt hjá þér.

Hef svo sem ekki fylgst mikið með þessum flokki en einhvern veginn finnst mér að mállaus kona hafi verið á þingi fyrir flokkinn, sem varaþingmaður.

[Kolbrún Stefánsdóttir, 8.12.2007 kl. 22:14]

Þakka þér fyrir ábendinguna Guðmundur. Þú fylgist betur með en ég hef gert ;) Ég mundi eftir Sigurlaugu, auðvita , en fannst endilega að  hún hefði ekki komið inn á þing fyrr en eftir að Gunnar yfirgaf flokkinn og fór yfir til Sjálfstæðismanna. Það var töluvert talað um það þá. Ég leitaði því upplýsinga um þetta og fékk þá að vita að önnur kona hafi verið áður. Þetta er fín leið til að læra sögu flokksins :) Ég er bara enn ánægðari með það að þær hafi verið fleiri en færri. Endilega haltu áfram að fylgjast með flokknum. Ég er viss um að við erum ekki mjög fjarlæg í skoðunum eða hvað. Þetta var líka ágætis lexia á netið og að leiðrétta færslu. Hef ekki gert það áður.. Ég leiðrétti þetta auðvita strax. Þakka þér fyrir aftur kveðja Kolbrún.

[Kolbrún Stefánsdóttir, 8.12.2007 kl. 22:16]

Sigurlín átti þetta nú að vera...

[Guðrún María Óskarsdóttir., 9.12.2007 kl. 01:24]

Sæl Kolla.

Flott hjá þér að vekja athygli á Þórunni okkar góðu konu, en Frjálslyndi flokkurinn er svo heppinn að hafa á að skipa fjölmörgum hæfileikaríkum konum sem komið hafa til liðs við flokkinn, og þú ert ein af þeim Kolla mín.

kv.gmaria.

[Kolbrún Stefánsdóttir, 10.12.2007 kl. 18:21]

Já auðvita þarf að vekja athygli á henni og styðja hana með ráðum og dáð. Þakka þér fyrir hlý orð í minn garð. Þau segja meira um þig en mig en alltaf gott að fá comment á sig ;) kveðja Kolla

[Ólafur Ragnarsson, 19.12.2007 kl. 07:19]

Sæl Kolla!Ég er sammála Guðrúnu Maríu.Ég er líka handviss um að þú átt eftir að prýða"mikið"stærri þingflokk FF eftir rúm 3 ár.Ég hlakka til þess af því að ég veit að þú verður verðugur fulltrúi kvenna,þótt ég sé karlkyns(eins og ég vona að þú vitir!!!!!!)finnst mér hlutur kvenna á Alþingi mætti vera meiri. en hann er í dag.Megi góður guð gefi þér og þínum gleðileg jól og láti farsæld fylgja þér í lífi og starfi á komandi árum.Ávallt kært kvödd

[Kolbrún Stefánsdóttir, 19.12.2007 kl. 23:32]

Þakka þér innilega fyrir þessi hlýju orð Ólafur. Ég vona minnsta kosti að flokkurinn stækki og vil leggja mitt af mörkum til þess. Ég sendi þér bestu jólaóskir til  baka og vona að þér líði vel um jólin og að nýja árið verði þér gott og gjöfult. Með kærri kveðju til þín.