Kópavogurinn

Í dag fór ég í hjólatúr og naut þess að skoða Kópavoginn hér vestanmegin. Það er alltaf gaman að fara um göngustígana meðfram sjónum og fylgjast með fuglalífinu. Sá meira að segja sel hér í Kópavoginum. Höfnin er líka sjarmerandi. Það var bara eins og maður væri komin heim á fornar slóðir. Oftast er það þannig að þegar maður fer af stað er einhver á röltinu sem maður þekkir og þá þarf að stoppa til að spjalla. Sumir þurfa líka að vita hvar maður er og því eins gott að hafa símann með í för :)  Allavega var ég mjög ánægð með að hafa drifið mig af stað á hjóli í þetta skiptið. Við erum sannarlega heppin Íslendingar með veður meðan kyngir niður snjó bæði í Evrópu og Ameríku eins og við höfum séð í fréttum undanfarið.  

Athugasemdir

[Ágúst Ásgeirsson, 8.2.2010 kl. 06:43]

Fínt að það skuli viðra nógu vel til hjólreiða a klakanum! Þær eru bæði  hollar og skemmtilegar hjólreiðarnar. Hér angraði snjór mann í fyrri hluta janúar en reiðskjóti minn hefur notið sín undanfarið, eins og hér má sjá. 

[Jón Snæbjörnsson, 8.2.2010 kl. 09:16]

flott að hjóla Kolbrún og hvað þá í færi eins og hefur verið undanfarið - sími er "must"  - vantar "hjólabrú" yfir voginn Skerjafjörður > Kópavog (vestur)

[Kolbrún Stefánsdóttir, 8.2.2010 kl. 20:55]

Sæll Gústi. Já það er búið að vera ótrúlega milt veður hér á suðvesturlandi ef undan eru skildir örfáir dagar sem voru ögn kaldari og hvassari en hinir. Samt eflaust léttasti janúar í langan tíma. Flottur calander hjá þér með commentum og alles. Þú ert nú alvöru hjólari en ég alger byrjandi. Það er viss passi að ef mér dettur í hug að fara að hjóla þá eru vindlaus dekkin. Lét það ekki stoppa mig núna. Hef ásett mér það að vera duglegri að skreppa um nágrennið en kosturinn við að hjóla er hvað maður kemst yfir stórt svæði á stuttum tíma. Vona að það viðri vel á þig í febrúar, kveðja Kolla. 

[Kolbrún Stefánsdóttir, 8.2.2010 kl. 20:59]

Sæll Jón já maður fer ekki langt frá síma nú orðið. Þetta var nú svona smáskot á yngri dóttur mína sem heimtar alltaf að vita hvar ég er og hvað að gera. Hún er svo lík móður sinni ( nú verður  hún alveg óð ef hún sér þetta  ) Ert þú hjólandi ? Ég vil nú ekki vera dónaleg en brú yfir sundið mitt  æ geturðu ekki bara farið landleiðina eins og hún er núna, annars spillist útsýnið hjá mér. kveðja Kolla

[Gúndi Glans (IP-tala skráð) 9.2.2010 kl. 10:44]

Já það er einstakt að geta hjólað á þessum árstíma, hvað þá í Kópavoginum, en er ekki ástæðan bara sú að yfirgangurinn hafi brenglast svona hjá útrásarvíkingunum að þeir tóku sér það    bessa(staða)leyfi og fluttu íslenska vetrarveðrið út til meiginlands evropu þar sem það gerir mikinn usla núna, það er ekki einusinni hægt að hjóla niður í móti í Danmörku..... kveðja Gúndi Glans

[Jón Snæbjörnsson, 9.2.2010 kl. 16:22]

Já ég hjóla talsvert - er hjólastígur inn voginn og út á nesið hjá ykkur ?

Skulum ekkert vera að skemma útsýnið hjá þér með hjólbrú, nebb

[Kolbrún Stefánsdóttir, 9.2.2010 kl. 18:04]

Já kannski bara Gúndi. Það er þá eitthvað jákvætt við blessaða útrásarvíkingana því önnur eins blíða hefur ekki verið í boði í töluverðan tíma. Einhver sagði að þetta væri hin hliðin á Global Warming fyrirbærinu. Kæmi bara hressilega til baka þegar hin hliðin væri í boði. En den tid den sorg eins og einhver sagði. Kveðja Kolla 

[Kolbrún Stefánsdóttir, 9.2.2010 kl. 18:06]

Sæll Jón Það er þessi fíni göngu og hjólastígur allan hringinn hér við Foss- og Kópavoginn. Þú ættir endilega að koma yfir þetta er svo yndislegt.   Takk fyrir tillitsemina. Hvernig gengur með golfið? Varstu ekki búin að fá þér sett og alles ? kv.Kolla.

[Jón Snæbjörnsson, 10.2.2010 kl. 14:54]

ha já golfið - settið er í geymslunni - viðurkenni þó að ég strýk kassanum öðru hvoru - páskar rétt bráðum og svo kemur vorið ljúfa og þá birjar "golfið"   

[Kolbrún Stefánsdóttir, 10.2.2010 kl. 21:16]

Nú er tíminn til að fara til kennara og slá nokkrar fötur á viku til að undirbúa vorið . Gangi þér vel í sumar. Ekki tapa af þeirri æðislegu ánægju sem golfið er. Kveðja Kolla.

[Jón Snæbjörnsson, 12.2.2010 kl. 15:32]

Takk fyrir Kolbrún - idet mindste þá máta ég græjurnar