Golfkreppa-kreppugolf.

Nú þegar snjór liggur yfir höfuðborgarsvæðinu og stórhríð geisar á Fróðárheiði, fer hugurinn að reika til sumarsins og alls sem því fylgir. Alltof stutt sumar fer að mestu í að spila golf, göngur og garðvinnu. Undanfarin ár hef ég lengt golftímann með því að fara til Florida í tvær vikur og oftast farið yfir páskana til Spánar. Það er kreppa á Íslandi og ekki hægt að láta eins mikið eftir sér og áður. Ferðaskrifstofurnar eru farnar að auglýsa golfferðir og ég verð að segja að það er ekki eins hátt verð og ég átti von á. Á móti kemur að uppihaldið verður miklu dýrara en áður þar sem gengið á krónunni er alveg galið. Spurning hvort maður getur reynt að búa sér til aðstöðu hér heima til að viðhalda sveiflunni eða skellir sér bara á Real de Faula um páskana og sker þá eitthvað annað niður. Ég vona bara að við fáum gott sumar.

Athugasemdir

[Heimir Lárusson Fjeldsted, 17.1.2009 kl. 13:31]

Við höfum haft góðan vetur og fáum gott sumar.

Gangi þér allt í haginn.

[Kolbrún Stefánsdóttir, 17.1.2009 kl. 15:23]

Sæll Heimir. Já við höfum fengið nokkuð góðan vetur, veðurfarslega séð og ég rukka þig um gott sumar ef mér fer að lengja eftir golfveðri þegar líða fer á árið. Hafðu það sem allra best kveðja Kolla.

[Ólöf de Bont, 17.1.2009 kl. 18:57]

Bara herða sultarólina, fara í tvær vikur til Spánar og koma brún til baka.  Þú tekur bara með þér mat að heiman og sparar þannig aurinn.  Veðurfarslega séð verður þetta gott sumar en kreppan mun plaga okkur eins og mýflugufaraldur. 

[Kolbrún Stefánsdóttir, 17.1.2009 kl. 21:10]

Sæl Ólöf ég held ég fari að þínum ráðum og ég verð að segja að svona ráðagóð kona hlýtur að fara létt með eitt kreppuár. kveðja til þín mín kæra.

[Georg Eiður Arnarson, 17.1.2009 kl. 23:16]

Hva , bara skella sér til Eyja . . kv .

[Kolbrún Stefánsdóttir, 18.1.2009 kl. 01:34]

Já sæll. Takk fyrir síðast. Þetta tók ekki langan tíma að skreppa þetta.Bara gaman að  því . kveðja Kolla.

[Ólafur Ragnarsson, 18.1.2009 kl. 14:51]

Heyrðu nú.Mátti maður nú ekki skreppa út á golfvöll öðruvísi að þú værir að"spæja"  Takk fyrir síðast og ávallt kært kvödd

Ps er þetta ekki annars snjór,maður fer svo víða í golfinu að maður áttar sig ekki á hvar myndin er tekin 

[Kolbrún Stefánsdóttir, 18.1.2009 kl. 23:18]

Sæll Ólafur. Þetta er snjór jú jú og myndin svo sæt og skemmtileg að ég varð að nota hana. Hann er áreiðanlega með selspik þessi fyrst hann er svona léttklæddur  Ég á nú eftir að taka Georg á orðinu og hoppa til Eyja í golf í sumar. Já takk fyrir síðast. Gaman að hitta þig aftur svona flottan og fínann. Sendi þér pistilinn vonandi á morgunn en veit þó að ég verð á hvolfi fram yfir þrjú. Bestu kveðjur Kolla.

[Kolbrún Stefánsdóttir, 20.1.2009 kl. 00:10]

Eins og þegar maður fer til Bandaríkjanna. Þá er maður bara eins og kústskaft. kveðja Kolla.

[Magnús Geir Guðmundsson, 21.1.2009 kl. 22:19]

Ef sérðu Kollu á hvolfi,

já, hvínandi bara og arga.

Hún er með hugan í golfi

og helvítis lenti í karga!

Kæmi annars bara með þér ljúfan ef ég gæti til Spanjólalíu og eitthvert gagn væri hafandi af mér!