Draumur

Síðastliðna nótt dreymdi mig tvo drauma sem ég man. Annar situr rosalega í mér því hann var  svo raunverulegur að mér fannst þetta hafa gerst. Mér fannst ég koma inn á veitingahús sem ég taldi að væri svona af fínni gerðinni og fannst ég ætla að hitta einhvern þar inni. Á veggjarbút var fatahengi og ég ætlaði að fara að hengja yfirhöfn mína þar, en þá sé ég að það er heilmikill kóngulóavefur þar fyrir svo ég hætti við. Ég var að hugsa með mér hvort það væri ekki þrifið nægilega vel en mundi þá að kóngulær sem ég hef haft kynni af eru ótrúlega snöggar að vefa þannig að ég settist bara og lagði kápuna á stólbakið. Ég ákvað samt að vekja athygli afgreiðslustúlku á þessu og fer til að  benda henni á þetta. Þá sé ég að það er risastór kóngulóavefur sem liggur samsíða stórum vegg en þó svona 30 cm frá veggnum og er ábyggilega svona 8-10 fermetrar. Hann var algert snilldarverk. Ótal leggir og lykkjur sem lágu svo saman í miðjunni og svo margar miðjur eða hringir allan hringinn í kringum miðjuna.  Eins og listaverk heklað úr silki , silfurgrár, næstum hvítur eftir hvernig horft var eftir honum.  Engar flugur , engar kóngulær, enginn óhreinindi bara þessi listasmíð. Hann blakti aðeins eins og hann hreyfðist pínulítið undan stærð sinni og ég var algerlega heilluð.  Hvað skyldi þetta nú merkja? Það væri nú gaman að fá ráðningu.

Athugasemdir

[Ólafur Ragnarsson, 1.12.2008 kl. 00:01]

Sæl mín kæra vinkona.Ég held að köngulær boði bara gott.Var ekki einhverntíms sagt "könguló,könguló vísaðu mér á berjamó".Þú átt eftir að gera þig gilda sem stjórnmálamannesku.Þú átt eftir að finna út hinar ýmsu leiðir fyrir hina smærri í þjóðfélaginu.Á það bendir vefurinn.Þú munt lenda í einhverjum mótbyr í þeim málum en hafa sigur að lokum.Sleppi geðheilsu þinni við frekari draumráðningum.Sértu af mér ávallt kært kvödd

[Guðrún María Óskarsdóttir., 1.12.2008 kl. 00:32]

Sæl Kolla.

Manni er nú farið að förlast í draumráðningum, verð að glugga í gamlar bækur til þess arna, læt þig vita þegar ég er búin að kíkja.

kv.gmaria.

[Ágúst Ásgeirsson, 1.12.2008 kl. 21:05]

Því er m.a. fleygt í sambandi við draumaráðningar, að það viti á arðbær viðskipti að dreyma kongulóarvef. Það hlýtur að vera gott vegarnesti í þessu árferði!

Var nokkuð fluga í vefnum, það mun tákna stórgróða af viðskiptunum.

Lýsingin er mjög óvenjuleg, en draumar eru oft þannig? Hvað með hinn, hann hefur ekki verið jafn kúl?

[Kolbrún Stefánsdóttir, 1.12.2008 kl. 22:42]

hahaha Gústi góður. Hinn var meira pólitískur og verður því ekki sagður hér. Það var engin kónguló neins staðar nálægt. Þetta var svo stórt að ég var að vona að þetta þýddi einhverjar nýjar flottar leiðir fyrir þjóðina ;) kveðja Kolla.

[Magnús Geir Guðmundsson, 2.12.2008 kl. 02:12]

Hahaha, þú sem átt í "viðskiptum" við mig þessa dagana!

Spurning hvort þú verðir ekki bara bankastýra aftur nú eða eins og Ólafur segir, VALDAKONA!?

Þú Kolla ert kyngimögnuð,

hvergi úr æðum dauð.

Draumur mun færa þér fögnuð,

frama, völd og auð!?

[Kolbrún Stefánsdóttir, 2.12.2008 kl. 16:25]

 Bara ráðning í bundu máli. Takk fyrir það Magnús, alveg frábært. Svo þú heldur að ég græði mikið á okkar viðskiptum, það skyldi þó aldrei vara... kveðja Kolla.

[Magnús Geir Guðmundsson, 3.12.2008 kl. 01:06]

Tja, það voru nú ekki alveg mín orð, verður að skrifa það óbeint allavega á ÁA og ÓR kannski líka, þeir gáfu nú upp boltan! EN...hver veit Hehe!

[Kolbrún Stefánsdóttir, 4.12.2008 kl. 21:59]

Sæll félagi Magnús. Fékk bækurnar í dag. Nú er lag að selja og ég vona að þér gangi vel að koma út útgáfunni svo þú getir byrjað á næstu útgáfu. Kveðja Kolla.

[NN (IP-tala skráð) 6.12.2008 kl. 00:23]

Draumurinn= það mun verða leitað til þín til þín,úr óvæntustu átt.Þú átt eftir að setjast í nefnd til lausnar vandamála sem að þjóðinni steðja,þar munt þú verða formaður,og þekking þín á aðsteðjandi vandamálum munu koma öllum til góðs,þú ert afburðarmanneskja í því sem þú tekur að þér.        

[Kolbrún Stefánsdóttir, 6.12.2008 kl. 09:42]

NN Þakka þér fyrir góð ummæli um mig. Verst að ég veit ekki hver þú ert og hvort eða hvernig þú þekkir mig. Ég er viss um að þessi vefur varðar þjóðina eitthvað og var að vona að það myndu opnast nýjar leiðir fyrir okkur. Það hefði t.d. verið gott að finna olíulindir á mínum heimaslóðum eða ósýkta síld eða ofsagöngur af loðnu, eitthvað þessháttar. Ég er jú hokin af reynslu í viðskiptavandamálum það er rétt en  maður veit aldrei hvað framtíðin ber í skauti sér allavega var ég mjög undrandi á að þarna væri köngulóavefur. kveðja til þín