Frábært veður í boði.....Símans.

Í dag spilaði ég golf á Hvaleyrinni í Hafnarfirði. Golfmót í boði Símans hófst kl 11:30 og var tekið vel á móti fólki og boðið upp á frábæra kjúklingasúpu að hætti Brynju sem er vert í Keilisskálanum. Ræst var út kl 13:00 og á öllum teigum samtímis. Það var helst að skilja á starfmönnum Símans að það hafi verið partur af þeirra bænahaldi síðustu 365 daga að veðrið yrði gott í mótinu, eins og í fyrra. Þetta gekk vissulega eftir þannig að ætla má að guð sé til og í þeirra liði. Völlurinn er rosalega þurr og harður og er ég viss um að nú styttist í áhyggjur af veðurfari hjá forsvarsmönnum Keilis. Ég var ekki að taka nóg tillit til ástandsins á vellinum í spilinu og var oft alltof löng í innáskotunum. Á móti kom að félagsskapurinn var góður og gaman að spila á "stuttbuxum og ermalausum bol" eins og maður væri á Spáni. Veitingarnar og verðlaun voru í hæsta gæðaflokki ...

 Starfsfólk Símans og Keilis takk fyrir mig...

Athugasemdir

[Guðrún María Óskarsdóttir., 28.6.2008 kl. 01:17]

Sæl Kolla.

Trúi þvi að þetta hafi verið flott, veðrið var yndislegt í dag sannarlega.

kv.gmaria.

[Guðrún Jóna Gunnarsdóttir, 29.6.2008 kl. 19:01]

Var svona gott veður í Hafnarfirðinum??? Mér hefur fundist fremur kalt og hráslagalegt í höfuðborginni framan af degi

[Ólafur Ragnarsson, 30.6.2008 kl. 18:48]

Kvitta fyrir innlit úr veðurblíðunni hér á Suðurhafseyju Íslands.Kært kvödd

[Kolbrún Stefánsdóttir, 30.6.2008 kl. 23:36]

hahaha einn alltaf jafn fyndinn. Já það var alveg frábært veðrið þó það sé ekki eins og á Sælueyjunni sem Ólafur býr á. Takk fyrir innlitið elskurnar mínar. kveðja ubbs...komin fram í forboðna tímann  Kolla.