Tæpitungan er ekki góð

Stundum fæ ég að heyra það að ég sé full hreinskilin. Það er líklega rétt. Sennilega vegna þess að ég kalla hlutina réttum nöfnum og ligg ekki á skoðunum mínum. Ég er oft með dæmisögur máli mínu til stuðnings fyrir þá sem eru ekki að fatta mig, eins og Jesú gerði í den með góðum árangri. Hér kemur ein dæmisaga: 

Gamli kaþólski presturinn var orðin svo þreyttur á framhjáhaldsjátningum sóknarbarna sinna í skriftarstólnum að sunnudag einn hélt hann þrumuræðu yfir þeim og sagði að hann þyldi ekki að heyra orðið "framhjáhald" einu sinni enn, annars myndi hann hætta störfum í sókninni.

En gamli presturinn var vinsæll og fólk vildi fyrir alla muni hafa hann áfram svo sóknarformaðurinn í samráði við gamla prestinn lét það boð út ganga að þeir sem vildu skrifta og játa framhjáhald myndu nota setninguna ,,ég datt á kirkjuveginum” í staðinn.

Allt gekk sinn vanagang þar til gamli presturinn dó.

Nýr prestur var auðvitað ráðinn í hans stað og ekki hafði hann verið lengi við störf þegar hann kom að máli við sóknarformanninn og sagði að eitthvað yrði að laga gangveginn upp að kirkjunni því fólk segðist sífellt vera að detta.

Sóknarformaðurinn fór að flissa, en þá sagði nýi presturinn höstugur:”Þú ættir nú ekki að hlæja að þessu, konan þín hefur dottið þrisvar frá áramótum!”  

 

Athugasemdir

[Björn Birgisson, 20.3.2011 kl. 15:04]

Þessar konur!  Get þær ekki átt nein leyndarmál? Góð saga!

[Helga Kristjánsdóttir, 20.3.2011 kl. 16:20]

  Er það satt sem þeir segja um landann... 

[Kolbrún Stefánsdóttir, 20.3.2011 kl. 17:37]

Björn hvað er nú varið í leyndarmál ef ekki má segja frá þeim. Þess vegna eru nú skriftir svo góðar en svo létta þær jafnframt á samviskunni þannig að það er þá hægt að detta aftur  kveðja Kolla

[Kolbrún Stefánsdóttir, 20.3.2011 kl. 17:39]

Helga ertu þá að meina í prósentum eða ??? Annars er þetta nú prestabrandari og sýnir hvað hræsnin getur verið mönnum dýrkeypt. kv.ks

[Helga Kristjánsdóttir, 20.3.2011 kl. 17:58]

 'Ég bara veit það ekki,kemst alltaf í grín gírinn,minnist þátta sem þið munið að öllum líkindum ekki eftir,,Dave Allen,, Írskur brandarakall,með þykjustu Wisky á borði reykjandi vindil. Allt um presta,nunnur osfrv.  létt myndainnslög með.

[Kolbrún Stefánsdóttir, 20.3.2011 kl. 20:58]

Ertu að fíflast í mér Helga... heldurðu að ég muni ekki eftir Dave Allen ... skemmtilegasti grínisti allra tíma og einmitt hafði hann sérstakt dálæti á kaþólskum biskupum og ensku kirkjunni og hennar þjónum.... gat alveg drepið mann við litla hringborðið með viskí í hönd.... brá sér í ýmis gervi.. elskaði alveg þennan þátt og enginn hefur náð að toppa hann hjá mér .