Stjórnendur

Ég hef nú verið að grínast með lækna, presta og fleiri starfstéttir þannig að tími er komin til að líta sér nær. Sjálf hef ég verið stjórnandi í rúm þrjátíu ár. Hér kemur því ein stjórnendasaga 

Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar" Afsakið, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er".

Konan svaraði " Þú ert í loftbelg sem svífur í 10 metra hæð, milli 40. og 41.
Norðlægrar breiddargráðu og milli 59. og 60. Vestlægrar lengdargráðu"

"Þú hlýtur að vinna við tölvur "sagði loftbelgsmaðurinn.

"Það geri ég " svaraði konan. " Hvernig vissirðu það "

"Nú", svaraði maðurinn, " allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér.  Ef eitthvað er þá hefurðu helst tafið ferð mína".

Konan svaraði " Þú hlýtur að vinna við stjórnun".

"Já", sagði maðurinn. "En hvernig vissir þú það?" 

" Jú " svaraði konan "þú vissir hvorki hvar þú ert né hvert þú ert að fara.
Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök."

 

Athugasemdir

[Björn Birgisson, 31.3.2011 kl. 21:10]

Góð saga, Kolla mín! Eru ekki allir rammvilltir á þessum síðustu?

[Kolbrún Stefánsdóttir, 1.4.2011 kl. 16:32]

Sæll Björn. Jú rammvilltir en hafa það kannski ekki að atvinnu. Jú ég er alveg gáttuð á því hvað þjóðin er tvískipt og tvístígandi í þessu helsta hörmungarmáli okkar Icesave. Ein útvarpstöð hefur tekið þetta upp og virkar á mig sem heilaþvottastöð eins og maður ímyndar sér að gerist í Afríkulöndunum sem eru meira og minna lokuð fyrir lýðræði og skoðanafrelsi. Sami kórinn allan morguninn. Síðan eru ótrúlegustu menn að poppa upp á síðum blaðanna og vilja segja já og að allir viti að þeir ætli að segja já. Það verður gott þegar sumarið skellur á okkur einherjunum margföldu  þá kveikir maður ekki á útvarpi né opnar blað... ofsalega gaman þá ..gaman þá .gaman þá  kveðja Kolla 

p.s. búin með bókina sem þú ráðlagðir mér að lesa

[Björn Birgisson, 1.4.2011 kl. 17:26]

Glæsilegt! Var hún ekki góð?

[Kolbrún Stefánsdóttir, 1.4.2011 kl. 23:18]

Ég er nú enn að melta hana. Ég þoli illa þegar konur láta ekki hjartað ráða en jú hún var góð , mögnuð og litrík á köflum en ekki skemmtileg. Fleiri tillögur  Kolla

[Björn Birgisson, 2.4.2011 kl. 03:34]

Kolla mín, ertu búin að lesa "Svar við bréfi Helgu" eftir Bergsvein Birgisson? Ef ekki, þá ráðlegg ég þér að lesa hana, flotta kona!

[Íris Erlingsdóttir, 2.4.2011 kl. 09:20]

haha frábær saga :)) held samt einhvernveginn að þú hafir ekkert efni á að bendla sjáfri þér við hana ;))

[Kolbrún Stefánsdóttir, 2.4.2011 kl. 17:23]

Takk Björn   fyrir uppástunguna .. ég kíki á hana. Annars er ég með tvær á borðinu sem ég þarf að klára þ,e Ísdrottningin og Steinsmiðurinn eftir Camellu Läckberg. Tek hina næst.  Kveðja Kolla

[Kolbrún Stefánsdóttir, 2.4.2011 kl. 17:32]

Íris mín það er rétt ég hef ekki efni á að dæma konur og ekki er ég uppsnobbuð og sjálfhverf eins og aðalhetjan í þessari bók ( a.m.m. ) , en ef þú heldur að frænka gamla sé "uppþurr eldri dama" þá ættirðu að lesa Dætur hafsins eftir Súsönnu Svavars, þá færirðu kannski að hugsa öðruvísi . Puss och kram på dig min skatt...

[Íris Erlingsdóttir, 3.4.2011 kl. 12:05]

hahahaha Snillingurinn þinn :)) "uppþurr eldri dama"  hahhahaa það er nú alveg það síðasta sem mér myndi detta í hug að setja sem "vörumerki" á þig :)))

Af því að þú varst að skjóta á stjórnendur og þú ert semsagt ein af þeim..var ég ekki alveg að sjá þig fyrir mér sem þennan stjórnanda sem fylgir sögunni :)

En svo veit ég ekki meir......hef jú aldrei fengið heiðurinn af því að hafa þig sem stjórnanda ;))) Puss & kram och älskar dig också <3

[Kolbrún Stefánsdóttir, 3.4.2011 kl. 15:14]

hahah þú meinar Íris. Ég var alveg föst í bókinni um franska ástarævintýrið og tók kommentið yfir á hana eða þannig hahaha... Nei auðvitað er ég ekki svona stjórnandi en það er samt margt til í þessu :) Maður stólar á sína starfsmenn og oft vita þeir betur en maður sjálfur.Stundum er maður bara ekki með áttina á hreinu eins og þessi grey karl en by the way þetta var karlkynsstjórnandi í sögunni. Megaknús Kolla.

[Sigurbjörg Jónsdóttir (IP-tala skráð) 3.4.2011 kl. 15:36]

stjórnandi í 30 ár? Hefurðu ekki verið fyrirliði frá upphafi?

[Kolbrún Stefánsdóttir, 3.4.2011 kl. 19:59]

Jú líklega rétt hjá þér Sigurbjörg. Elst í systkinahópnum og man að ég var oft foringi í slagboltanum í gamla daga. Alltaf verið frekar frek eða þannig  Kannski er þetta genetískt veit það ekki en það er erfitt að venja sig af því að stjórna svo mikið veit ég. Takk fyrir innlitið og kommentið. Bestu kveðjur Kolla

[Úrsúla Jünemann, 5.4.2011 kl. 09:33]

Frábær dæmisaga, hittir alveg í mark.

[Kolbrún Stefánsdóttir, 7.4.2011 kl. 09:43]

Já hún er skemmtileg og hittin þessi enda kolféll ég fyrir henni. Kveðja Kolla