Hlýir straumar

Nú leika hlýir straumar um íslenska þjóð. Í rauninni er batinn byrjaður að mínu mati. Nú er ríkisstjórnin  aðeins að slaka á taumnum varðandi Icesave-ranglætið og farin að tala við stjórnarandstöðuna. Mér er sama hvað aðferð verður notuð til að afsaka framganginn til þessa. Vinir okkar Írar sýna okkur áhuga af því við getum staðið á móti ofureflinu og eigum mikla möguleika til uppbyggingar efnahagsins. Þeir benda réttilega á að það besta til bjargar sé krónan og sveigjanleikinn í stjórnun þessa litla ríkis. Það mætti til að mynda auka fiskveiðikvótann.

Þó ég sé sárasjaldan pólitískt sammála fyrrverandi bloggvinkonu minni, Ólínu Þorvarðardóttur, sem ég virði þó mikils, þá var ég mjög sammála henni í kastljósinu í kvöld. Talsmaður útgerðarmanna var eins og hálfgerður skúrkur og endaði á að snúa út úr fyrir henni. Öllum hlýtur samt að vera ljóst hvað hún var að segja enda setti hún fram sitt mál með afar einföldum og skýrum hætti. Skrýtið að Sigmar spyrill skyldi ekki spyrja Friðrik að því af hverju útgerðarmenn hefðu verið að kaupa hlutabréf í bönkunum. Eða hvað lánadrottnar segðu ef þeir ætluðu að hætta að veiða. Þau eru kannski ekki ver stödd en það útgerðarfyrirtækin að þau geta bara stoppað reksturinn en samt greitt af lánunum. Þau fá kannski greiðslufrest þangað til að yfirvöld hafa beygt sig. 

Nú er lag að leiðrétta kvótann. 

Björgunarsveitin okkar var fyrst á vettvang hinu megin á hnettinum þegar hörmungar riðu yfir Haíti og það gerir mann stoltan af sínu fólki.

Strákarnir okkar vinna vináttuleiki sína í handboltanum. Hverjum hlýnaði ekki um hjartað þegar ungu mennirnir tóku yfir leikinn við Portúgal og voru ekki síðri en gömlu mennirnir.

Ísland er alltaf best og slær nú öll met í góðu og mildu veðurfari um háveturinn.

Athugasemdir

[Hulda Elma Guðmundsdóttir, 14.1.2010 kl. 23:30]

Mér finnst Sigmar fréttamaður vera orðinn framlenging á útvarpsstjóranum. Hann er hættur að geta fjallað um menn og málefni á hlutlausan hátt. Og ég held að við höfum misst mikið frá sjónvarpinu þegar Helgi Seljan fór norður. Hann þorði að spyrja strákurinn sá. Góða nótt, Elma

[Björn Birgisson, 14.1.2010 kl. 23:49]

Friðrik er bara lítill karl. Mundi vel rúmast í brjóstaskorunni á Ólínu. Hún tók hann algjörlega í nefið og allt það pakk sem gerir hann út.

[Kolbrún Stefánsdóttir, 15.1.2010 kl. 00:11]

Hulda. Ég er sammála þér með Helga Seljan. Hann var stundum alveg óþolandi harður og óháður. Sigmar er orðin óskaplega útþynntur sem fréttamaður eins og hann er skemmtilegur í Útsvarinu og krúttlegur.

Björn. Þú þekkir kannski brjóstaskoru þingmannsins en hún er nú ein af fáum sem er ekki sífellt að flagga henni. Hún fór á kostum en mér fannst hlægilegt hvað Friðrik er orðinn líkur fyrirrennara sínum í útliti. kveðjur Kolla.

[Jón Snæbjörnsson, 15.1.2010 kl. 11:12]

gat nú ekki betur séð en að Ólína hafi nú hyggstað nokkrum sinnum það var kanski þá sem Björn sá ofaní hálsmálið á kellu  í þess svo rúmu skoru sem hann fer fögrum örðum um

[Kolbrún Stefánsdóttir, 15.1.2010 kl. 20:39]

Sæll Jón. Ólína er óskaplega brjóstgóð kona en gerum nú ekki útlit brjósta hennar að aðalatriði málsins heldur málefnið sem fór henni betur en önnur mál. Friðrik rúmaðist fyrir í einni setningu frá henni. kveðja Kolla.

[Björn Birgisson, 15.1.2010 kl. 21:35]

Brjóst kvenna eru dásamleg. Ekki var ég að tala um þau. Með þokkalegri myndlíkingu, að mínu mati, mat ég smæð, eða stærð viðmælendanna. Í fagurri brjóstaskoru rúmast nú ekki mikið, en augnayndi er hún, eins og önnur sköpun náttúrunnar. Í þessu viðtali hefði Friðrik rúmast í brjóstaskoru kvenmanns, sem skaparinn hefði algjörlega gleymt, við úthlutun þessarar fegurðar. Skelfing lítill og vanmáttugur. Kannski hætti ég mér út á hálan ís með myndlíkingunni minni. Held þó ekki. Stend við hana.

Með brjóstumkennanlegum kveðjum frá næsta viðfangsefni Stígamóta!  

[Kolbrún Stefánsdóttir, 15.1.2010 kl. 22:55]

 Björn. "Brjóst kvenna eru dásamleg". Misjafn er nú smekkurinn og ekki nokkur leið að eltast við að uppfylla kröfur ykkar um brjóstaskoruna eða líkamslínur yfirleitt. Ýmist á maður að vera eftir uppskrift hommanna í tískuheiminum, eins og lifandi beinagrind eða ykkar sem eruð nokkuð normal en enn á ungbarnastiginu og munið of vel eftir brjóstagjöfinni þegar mjólkin var uþb að sprengja sér leið úr móðurlíkamanum. Sjálfri finnst mér brjóstaskorur almennt  ljótar og asnalegt þegar konur eru t.d í útifötum en sýna hálf brjóstin nakin  . Vona að þú sért ekki að hóta mér feminiskri umræðu hér í lokin  kveðja til þín brjóstumkennanlegi karlmaður Kolla.

[Helgi (IP-tala skráð) 18.1.2010 kl. 21:15]

Kolla, þú ert alveg óborganleg, nú verður allt vitlaust. Hommarnir eiga eftir að ráðast á þig og klína tyggjó í hárið á þér. Ég er alveg sammála þér en hvernig þú orðar þetta reddaði kvöldinu hjá mér. ;-)

[Kolbrún Stefánsdóttir, 18.1.2010 kl. 21:32]

hahaha já ég virðist hafa jarðað Björn Birgis. Þetta átti nú að vera mesta grín en hljómar svolítið grimmt  og femínistalegt ... Gott að einhver hafði gaman af þessu. Kveðja Kolla.

[Atli Agustsson (IP-tala skráð) 18.1.2010 kl. 23:02]

Já, þetta var skemmtileg framhaldssaga, að vísu svolítið dapurlegt að hún skyldi enda á jarðarför. Það vantar broskallana hér á nýja Maccanum mínum :)

[Björn Birgisson, 19.1.2010 kl. 00:17]

Hann Björn Birgisson er ekki kominn niður á sjö fetin enn! Honum hefur alltaf verið kvenlíkaminn hugleikinn, einkum einnar konu, enda fagurkeri fram í fingurgóma. Kominn hátt í sextugt, karlinn, og enn ekki búinn að leysa ráðgátuna um alla þessa fegurð kvenkynsins, frekar en aðrir tregir karlar. Veit þó eitt og annað. Grín er gott og ég tel mig taka þátt í því. Held mínum rannsóknum áfram.  

[NN (IP-tala skráð) 19.1.2010 kl. 00:41]

Svo mælti Káinn:

Kæru löndur!Hvað veit ég

karl,um pilsin yðar

en mér finnst lengdin mátuleg

milli hnés og kviðar.

Og enn mælti Káinn.(um makaleysi)

Meðan aðrir ergja sig,

einn ég sef í húminu,

af því fyrir ofan mig

ekkert hef í rúminu.

Káinn aftur á ferð.

Hver vill heimta af henni meira

hún er ber.

Og andann grunar ekkert meira

en augað sér.

(Úr bókinni=Vísnabók Káins.) (fannst þetta passa í umræðuna hér.)

[Björn Birgisson, 19.1.2010 kl. 01:05]

Enn kvað Kristján Níels Jónsson, Káinn, frábær Íslendingur í Vesturheimi:

Ekkert kalla ég á þér ljótt,

yndis snjalla mærin.

Mér hafa alltaf á þér þótt,

undur falleg lærin.

Til að læra þarf að grúska í ( ............. )  fræðunum, Kolla mín.

[Kolbrún Stefánsdóttir, 19.1.2010 kl. 19:00]

Ja hérna hér NN og Björn þið eruð bara hrifinn af konum ofan og neðan og allt um kring. Las einu sinni um annan slíkan og þar var þessi vísa:

Fyrir henni flatur lá ég

faldur pilsins straukst við kinn

Upp um hlíðar allar sá ég

en sú fegurð -drottinn minn. 

[Björn Birgisson, 19.1.2010 kl. 20:59]

Skemmtileg kvæðasíða.  Ég dreg mig í hlé, enda upptekinn við rannsóknir!

[Kolbrún Stefánsdóttir, 19.1.2010 kl. 21:07]

hahaha á kvenfólki? Takk fyrir skemmtilegheitin Björn kveðja Kolla.

[NN (IP-tala skráð) 19.1.2010 kl. 21:45]

Góð ferskeytlan hjá þér Kolbrún.Mér er spurn í hvaða,,rannsóknir,,skyldi Björn vera dottin í?.Skyldi það vera eitthvað um ,,kvennafræði,,?Vísur Káins eru alltaf snilld,og skora ég á aðdáendur hans að skella sér á tiltölulega nýútgefin disk með Baggalúti sem heitir Dakóta,en þar er eingöngu sungnar vísur Káins og er það snilldarlega gert hjá þeim.(svoldið Káins stíll á þessari vísu hjá þér Kolbrún.hver gerði.)Spyr vegna vísnáhuga míns.

[Björn Birgisson, 19.1.2010 kl. 22:12]

Gangi þér allt sem best, Kolla mín! Það er dásamlegt að eiga að landa eins og þig! Þú ert alvöru Íslendingur og slíka elska ég alla, konurnar þó aðeins meira, skiljanlega. Þú fyrirgefur mér bullið mitt. Ég er ekki svo slæmur, ef grannt er skoðað! Lifðu heil og sæl og takk fyrir þín skemmtilegheit!

Bestu kveðjur frá mér og rannsóknardeildinni! Niðurstaða mun liggja fyrir korteri fyrir kistulagningu mína. 

[Kolbrún Stefánsdóttir, 19.1.2010 kl. 22:21]

Þakka þér fyrir Björn ég er vissulega stolt af því að vera Íslendingur nú sem áður og vona að það breytist ekki. Ekkert að fyrirgefa því þetta var prúðmannlegt og skemmtilegt. Haltu bara áfram að skoða í kistuna þína...

[Kolbrún Stefánsdóttir, 19.1.2010 kl. 22:25]

NN ´Þetta er úr kveri sem Gunnar Sigurðsson gaf út með 150 vísum frekar ópenar satt að segja. Held að þetta sé KÁINN eins og þessi en er ekki alveg viss:

Öllum meyjum upp í loft

ástin snýr í skyndi.

Fíkjublöðin fjúka oft

í freistinganna vindi....

Takk fyrir kommentin -ég er líka vísnaunnandi . Kveðja Kolla.

[Björn Birgisson, 19.1.2010 kl. 22:47]

Æ, æ, hvar eru gleraugun mín? "Sjónin er hverful, heyrnin er farin (sem betur fer). Lykt finn ég litla. Bragðskynjun fer þverrandi. Í móskunni sé ég fyrir mér glímubrögð. Sanna íslenska glímu, sé ég nú fyrir mér í móskunni. Þar reynir á andlegt og líkamlegt atgerfi, bæði karla og kvenna."

Svo mælti Bólu-Hjálmar í koti sínu í Akrahreppi forðum.

"Hælkrókur hefur aldrei verið neitt fyrir mér. Bara annað afbrigði af táfýlu. Mjaðmahnykkur er snöggt um skárri. Alltaf dásamlegt þó að falla eða vinna á snöggu klofbragði."

Vogun vinnur, vogun tapar!  

[Kolbrún Stefánsdóttir, 19.1.2010 kl. 23:05]

Já það er ekkert annað. Ég þarf að fara að lesa þessar gömlu bókmenntir. 

Best að klára bara á einni sem ég hef ekki höfund af:

Von er, þó að gremjist geð,

og gráti tíðum svanni,

hún hefur ekki sextug séð

sívalning á manni.

Vona að konan þín kunni að meta bloggið okkar kveðja Kolla.

[Magnús Geir Guðmundsson, 22.1.2010 kl. 23:18]

Jahá, það skortir ekkert á fjörið þótt ég mæti ekkert á svæðið þér til gleði og "afnota" göfuga Kolbrún!Hér keppast karlarnir hver um annan þveran að ganga í augun á þér með háðfuglinn og "Baldurs besta vin" BB í broddi fylkingar!

Finnst mér það bara yndislegt, nema hvað að þessir herramenn eru allir af léttasta skeiði heyri ég, einmitt alveg öfugt við "ungklárinn" mig!

En semsagt ansi skemmtilegar og þjóðlegar umræður þar sem sveitunga mínum og frænda honum Kristjáni Níels snillingi er hampað óspart m.a.Hið besta mál, en seint mun ég sjálfur komast með tærnar þar sem hann hafði hælana.

Segi þó í umræðunnar tvíræða takti!

Þótt brjóstaskoru beri ei,

né barmfegurð á torg.

Ærir Kolla karlagrey,

í kræfri ástarsorg!

[Björn Birgisson, 23.1.2010 kl. 00:07]

Sjúkk! Hvað mér brá! Kjúklingur mættur á svæðið! Hvar er matreiðslubókin og hvar er kryddið?

[Kolbrún Stefánsdóttir, 23.1.2010 kl. 13:34]

Hahaha já Magnús nú ætlar BB, vinur hvers sem hann nú er, að grilla þig. Við kunnum að skemmta okkur gamla fólkið það er ljóst. Viðurkenni þó fúslega að ég hef saknað þín og þinna glannalegu (oft á tíðum ) kommenta. Ekki er neinn í ástarsorg eftir mig, en hitt er rétt að brjóstaskoran er ekki mitt vörumerki frekar en Ólínu. Takk fyrir kommentið skemmtilegi kjúklingur. Skrýtið hvað þessi kvótaumræða fór eitthvað út um víðan völl hahah kveðja Kolla. 

[Magnús Geir Guðmundsson, 23.1.2010 kl. 23:02]

aLDEILIS UM VÍÐAN VÖLL,

VESALINGS HÉR FER NÚ KVÓTINN.

Er kjúklingar og kyn já tröll,

Kollu gefa undir fótinn!

[Kolbrún Stefánsdóttir, 24.1.2010 kl. 00:20]

Undarleg það alltaf var

á þitt hjal að hlýða

en að karlar fara á kvennafar

sem kunn´ekki að yrkja

[Kolbrún Stefánsdóttir, 24.1.2010 kl. 00:44]

Undarlegt átti þetta nú að vera  kveðja Kolla.

[Magnús Geir Guðmundsson, 24.1.2010 kl. 01:55]

hahahaha, eins gott að siðanefnd stjórnmálanna er ekki að þvælast neitt um nætur, en þú sleppur nú fyrir horn, heillakellan ljúfa!

En ætli ég sé ekki jafn lélegur í báðu, yrkingum og..."hinu?!"

[Björn Birgisson, 24.1.2010 kl. 02:46]

Virðulega samkoma! Ég hef undanfarin dægur verið að lesa mér til um kjúklinga. Af þeim lestri, og fleiri rannsóknum, hafa línur skýrst nokkuð. Þeir nýtast bæði eigendum sínum, og neytendum (notendum) best dauðir. Vel kryddaðir.

Kaldranaleg staðreynd.

[Kolbrún Stefánsdóttir, 24.1.2010 kl. 18:42]

Þessi ágæta samkoma er skemmtileg hvort sem hún er virðuleg eður ei. Þökk sé ykkur ágæta fólk.

Ég hef setið í dag og horft út um gluggann á regnið steypast úr skýjum yfir gulgræna lóðina og grasbalann hér við Huldubrautina, minnug þess að það er forsenda fyrir að jörðin nái að nærast, gróa og gefa af sér, þó sumum finnist kannski nóg um vatnsflauminn meðan á stendur.

Ég ætla að gera aðra tilraun með kvótaumræðuna en enda þessa á viðeigandi vísu frá hagmæltum bloggfélaga sem sendi mér hana í nótt eftir síðustu komment á þessum pistli. Hann kann víst að yrkja sá . Ekki er ég þó að afþakka fleiri vísur ef þær eru í boði, síður en svo.

Hyldýpis nú hrópar skaut,

svo hreyfing kemst á gróna laut.

Opnast þar með "Ástarbraut",

ökuþórum hál og blaut!!

Bestu kveðjur  Kolla.

[Björn Birgisson, 24.1.2010 kl. 19:04]

Þessi síða er hér með bönnuð öllum undir 22ja ára aldri.  

[Kolbrún Stefánsdóttir, 24.1.2010 kl. 22:52]

haha já rétt Björn, stóla á að barnabörnin hafi ekki mikinn áhuga á að fylgjast með ömmu sinni á blogginu. kveðja til þín Kolla.

[Magnús Geir Guðmundsson, 29.1.2010 kl. 01:24]

j'a, sá að Björn setti þetta bann haha, en eigum við ekki að vona að nú hafi hægst um og banninu hafi því sjálfkrafa verið aflétt?!

(en ég kallaði hann vin Baldurs, því hann er mikill bloggvinur íhaldsskarfsins skemmtilega á stundum, Baldurs Hermanns auk þess sem þeir já Kolla, eru báðir í golfi held ég!)

Og svo...

Með þessum orðum Kollu kveð,

af kurteislegum hætti.

Í huganum er henni með,

í hæglátlegum....samræðum!

Blessi þig ljúfa hæfileikakona (harðorða á stundum)